ရုပ်ရှင်ဇာတ်ကားတွေဟာ ကြည့်ရှုသူတွေရဲ့ဘဝတစ်စိတ်တစ်ပိုင်းကို လွှမ်းမိုးမှုတွေရှိခဲ့ပါတယ်။ ဒီနေ့မှာလည်း (၂၀၀၃) ခုနှစ်က လူကြိုက်များခဲ့တဲ့ " Chapter by the Dozen " ဇာတ်ကားထဲက Steve Martin နဲ့ Kate Baker တို့ရဲ့ဇာတ်ကောင်ပုံစံကိုသဘောကျလွန်းတဲ့ ဇနီးမောင်နှံနှစ်ယောက်ဟာ ဇာတ်ကားထဲက အတိုင်း သားသမီး (၁၂) ယောက်တိတိမွေးနိုင်ဖို့ ကြိုးစားခဲ့ပါတယ်။ လက်ရှိမှာတော့ သူတို့ရဲ့အိပ်မက်ဟာအောင်မြင်တော့မှာဖြစ်ပြီး (၁၂) ယောက်မြောက်ကလေးကို ကိုယ်ဝန်ဆောင်ထားခဲ့ ပါပြီ။ သားသမီးတွေအများကြီးနဲ့ သွားလာရလွယ်ကူအောင် ဗန်ကားတစ်စီးနဲ့ နောက်တွဲလေးကိုလည်း ဝယ်ယူခဲ့ပါသေးတယ်။

Photo Credit - The Sun's FB Acc
Photo Credit - The Sun's FB Acc

ဇနီးဖြစ်သူ Courtney Rogers ဟာ ခင်ပွန်းဖြစ်သူ Chris နဲ့အတူ သာယာပျော်ရွှင်တဲ့ မိသားစုဘဝလေးကို တည်ဆောက်ခဲ့ပြီး ချစ်စရာသားသမီးတွေနဲ့အတူ အရမ်းကိုပျော်နေခဲ့ပါတယ်။ ကလေးတွေအားလုံးရဲ့ နာမည်ကိုလည်း " C " အက္ခရာနဲ့စတင်တဲ့ နာမည်မျိုးပဲပေးခဲ့ပြီး ကလေးအားလုံးရဲ့နာမည်နဲ့အသက်ဟာ Clint, (၁၁) နှစ်, Clay, (၁၀) နှစ်, Cade, (၈) နှစ်, Callie, (၈)နှစ်, Cash, နဲ့ Colt တို့ဟာ အသက် (၆) နှစ်အရွယ်အမွှာလေးတွေပါ။ Case နဲ့ Calena, တို့ဟာလည်း အသက် (၄) နှစ်ဖြစ်ကြပြီး , Caydie, (၃) နှစ် Coralee,(၂) နှစ်နဲ့ Caris, (၉) လ တို့ဖြစ်ကြပါတယ်။

Photo Credit - The Sun's FB Acc
Photo Credit - The Sun's FB Acc

ဗိုက်ထဲမှာရှိနေတဲ့ရင်သွေးလေးအတွက်လည်း အရမ်းကိုစိတ်လှုပ်ရှားပြီး သားသမီး (၁၂) ယောက် ပြည့်တော့မှာမို့ မိဘတွေလည်းအရမ်းကိုရင်ခုန်ပျော်ရွှင်နေကြပါတယ်။ အမျိုးသမီးဟာ အသက် (၃၇) နှစ်အရွယ်ဖြစ်ပြီး အမျိုးသားဟာတော့ အသက် (၃၃) နှစ်အရွယ်ရှိနေကြပါပြီ။ အိမ်ထောင်စပြုစဉ်က အမျိုးသမီးဟာ အသက် (၂၄) နှစ်သာရှိသေးပြီး ဆယ်စုနှစ်အတွင်းမှာ ဒီလိုပျော်စရာကောင်းတဲ့ အသိုက်အမြုံလေးဖြစ်အောင် ဖန်တီးနိုင်ခဲ့တာပါ။

Photo Credit - The Sun's FB Acc

သတင်းအရင်းမြစ်: The Sun's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။