လောကကြီးမှာထင်မှတ်မထားတဲ့ဖြစ်ရပ်တွေဟာလည်း ကြာရသူတိုင်းကို အံ့သြတကြီး ဖြစ်စေခဲ့ပါတယ်။ ဒီတစ်ခေါက်မှာလည်း ဖလော်ရီဒါပြည်နယ်က Angelica Vences-Salgado ဆိုတဲ့မိခင်တစ်ဦးဟာ သူမရဲ့သမီးလေး Jacqueline Hernandez နဲ့မတွေ့ရတာနှစ်ပေါင်းများစွာ ကြာခဲ့ပြီဖြစ်ပြီး သမီးလေးဟာ အသက် (၆) နှစ်အရွယ်မှာပြန်ပေးဆွဲခံခဲ့ရတာပဲဖြစ်ပါတယ်။ ဒီလိုဖြစ်ရပ်ဟာ သူမရဲ့ခင်ပွန်း Pablo Hernandez ကိုယ်တိုင်ပြုလုပ်ခဲ့တာဖြစ်ပြီး သမီးဖြစ်သူကိုပြန်ပေးဆွဲကာ သူ့အမျိုးတွေရှိတဲ့ Nicaragua နိုင်ငံကိုစေလွှတ်ပြီးနေစေခဲ့ပါတယ်။ မိခင်ဖြစ်သူဟာ ပျောက်ဆုံးသွားတဲ့သမီးလေးနဲ့ နောက်တစ်ကြိမ် ပြန်ဆုံနိုင်ဖို့ မျှော်လင့်ချက်တွေတပွေ့တပိုက်နဲ့နေခဲ့ရပါတယ်။
သမီးလေးပျောက်ဆုံးခဲ့ပြီး (၁၄) နှစ်အကြာမှာတော့ Angelica Vences-Salgado ဟာ Social Media ကနေ သမီးဖြစ်သူရဲ့ ဖုန်းခေါ်ဆိုမှုတစ်ခုရရှိခဲ့ပြီး သမီးလေးဟာ မက်စီကိုနိုင်ငံမှာ ရှိနေကြောင်းသိခဲ့ရပါ တယ်။ ရဲတပ်ဖွဲ့ဟာလည်း ဖုန်းခေါ်ဆိုသူမိန်းကလေးဟာ Angelica Vences-Salgado ရဲ့ သမီးဖြစ်သူ ဟုတ်မဟုတ်ကို စစ်ဆေးမှုတွေပြုလုပ်ခဲ့ပါတယ်။ ဒီနောက်မှာတော့ နှစ်အတော်ကြာကွဲကွာနေကြတဲ့ သားအမိနှစ်ယောက်ဟာ ပြန်လည်ဆုံဆည်းနိုင်ခဲ့ပါပြီ။ မိခင်ဟာလည်း တစ်သက်လုံးတွေ့ချင်စိတ်နဲ့ စောင့်မျှော်လာခဲ့ရတဲ့သမီးလေးကို မြင်လိုက်ချိန်မှာ ဝမ်းနည်းဝမ်းသာခံစားချက်တွေနဲ့ ရင်ခွင်ထဲမှာ ပွေ့ဖက်ပြီး နမ်းမဝဖြစ်နေခဲ့တဲ့ ပုံရိပ်လေးဟာ တကယ်ကိုကြည်နူးစရာပါ။
ချစ်လို့မဝတဲ့အရွယ်လေးမှာပဲ သမီးဖြစ်သူနဲ့ခွဲခဲ့ရပြီး နှစ်တွေအကြာကြီးနေမှပြန်ဆုံတော့လည်း ငယ်စဉ်ကတည်းကချစ်ခဲ့ရတဲ့ ကလေးသေးသေးလေးလိုပဲ မျက်လုံးထဲမြင်ယောင်ပြီး ချစ်နေဆဲပါပဲ။ သားသမီးတွေဟာ အသက်ဘယ်လောက်ပဲကြီးလာပါစေ မိဘတွေရဲ့အမြင်မှာတော့ အမြဲတမ်း ကလေးလေးပါပဲ။ အချိန်တွေကြာမှပြန်ဆုံကြပေမယ့် သားအမိနှစ်ယောက်ရဲ့အပြန်အလှန်မေတ္တာတွေ ကတော့ နွေးထွေးနေဆဲပါပဲ။ ဘယ်တော့မှ ပြောင်းလဲမသွားတဲ့မေတ္တာတရားတွေထဲမှာ မိဘနဲ့သားသမီးရဲ့ချစ်ခြင်းမေတ္တာက ထိပ်ဆုံးကပါပဲ။
သတင်း အရင်းအမြစ်៖ CNN's FB Acc