မြန်မာနိုင်ငံအတွင်းက လက်ရှိကိုဗစ်အခြေအနေကတော့ ပိုးတွေ့မှုနှုန်းတဖြည်းဖြည်းလျော့ကျလာသလို သေဆုံးနှုန်းလည်းနည်းပါးနေပြီဖြစ်ပါတယ်။မနေ့ကဆိုရင် ဓာတ်ခွဲအတည်ပြုလူနာသစ် (၂၄၂၁)ဦးရှိပြီး သေဆုံးသူ(၇၆)ဦးရှိခဲ့ပါတယ်။ပြည်သူလူထူလည်း ကိုဗစ်ကူးစက်ရောဂါကြီးက အပြီးတိုင်မပပျောက်သွားတာကြောင့်ကျန်းမာရေးနည်းလမ်းများနဲ့အညီ စနစ်တကျနေထိုင်သွားလာနေကြတာပဲဖြစ်ပါတယ်။ဆရာဝန်တွေ၊ပရဟိတအဖွဲ့တွေနဲ့ စေတနာ့ဝန်ထမ်းတွေကလည်း ကိုဗစ်တတိယလှိုင်းမှာ တတ်နိုင်သလောက်ကူညီကြပါတယ်။

Photo Credit: Original Uploder 
Photo Credit: Original Uploder 

ဒီနေ့မှာဆိုရင်လည်း တောင်ကြီးမြို့ကပြည်သူတွေကို ပရဟိတသမားတစ်ဦးက အနူးအညွတ်မေတ္တာရပ်ခံလာတာပဲဖြစ်ပါတယ်။အဲ့ဒါကတော့ သုသာန်မှာ နာရေးကားတွေ ပြန်ထပ်နေပြီဖြစ်လို့ အသွားအလာဂရုစိုက်ကြဖို့ရေးသားလာတာဖြစ်ပါတယ်။အရင်ရက်တွေကတော့ တောင်ကြီးမြို့မှာ သေဆုံးနှုန်းကျဆင်းနေပေမယ့် ဒီနေ့မှာ နေ့လည်(၁၂)နာရီဝန်းကျင်ခန့်အထိ အလောင်း(၁၃)ဦးကို သင်္ဂြိုလ်ပြီးစီးခဲ့တာဖြစ်ပါတယ်။နောက်ထပ်လည်း အလောင်း(၇)ဦး ထပ်မံရောက်လာဦးမယ်လို့သိရပါတယ်။

Photo Credit: Original Uploder 
Photo Credit: Original Uploder 
Photo Credit: Original Uploder 

ဒီနေ့တစ်ရက်တည်း ကိုဗစ်ကြောင့်သေဆုံးသူ (၂၀)ဦးထိ မြင့်တက်လာတာကြောင့် ပရဟိတသမားလည်းအစစအရာရာဂရုစိုက်ပေးကြဖို့ ရေးသားလာတာဖြစ်ပါတယ်။အခုချိန်ထိလည်း တောင်ကြီးလင်းယုန်စေတနာ့ဝန်ထမ်း အဖွဲ့မှ သေဆုံးသူတွေကို သင်္ဂြိုလ်ပေးနေဆဲဖြစ်ပြီး အန္တရာယ်ကြားထဲကနေဆောင်ရွက်နေကြတာဖြစ်ပါတယ်။ဒါ့ကြောင့် ပြည်သူတွေအကုန်လုံးလည်း အမြစ်မပြတ်သွားတဲ့ကိုဗစ်ကူးစက်ရောဂါဆိုးကြီးကို ဆက်လက်ကာကွယ်သွားကြပါလို့ တိုက်တွန်းနှိုးဆော်ရင်း ပြန်လည်မျှဝေပေးလိုက်ပါတယ်။

Photo Credit: Original Uploder 
Photo Credit: Original Uploder 

Source&Photo Credit: Original Uploder 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။