တော်လှန်ရေးအရှိန်အဟုန်မြင့်လာတာနဲ့အမျှ တိုက်ပွဲတွေလည်းပြင်းထန်လာသလို မြို့ပေါ်တွေမှာလည်း ဆန္ဒပြသပိတ်တွေဆက်တိုက်အားကောင်းလာနေပြီး ပြောက်ကျားသပိတ်တိုက်ပွဲတွေက နေ့ရက်တိုင်းလိုလိုဖြစ်ပေါ်နေတာဖြစ်ပါတယ်။ လူစည်ကားရာ ဈေး၀ယ်စင်တာတွေမှာလည်း ဆန္ဒပြသပိတ်တွေပြုလုပ်လာကြတာကိုလည်း တွေ့ရပြီး မြို့ကြီးအတော်များများမှာလည်း ဆန္ဒပြမှုတွေလည်း ဆက်တိုက်ဖြစ်ပေါ်နေတာကို တွေ့ရပါတယ်။

Photo credit-Original Uploader
Photo credit-Original Uploader

လက်နက်ကိုင်တိုက်ပွဲ၀င်ကြမယ့် PDF ရဲဘော်တွေကလည်း လွတ်မြောက်နယ်မြေတွေမှာ အစွမ်းကုန်ကြိုးစားနေကြသလို မြို့ကြီးတွေမှာရှိနေတဲ့ လူငယ်တွေကလည်း လူထုသွေးမအေးအောင် နည်းအမျိုးမျိုးနဲ့ကြိုးစားလှုံ့ဆော်လျက်ရှိကြပါတယ်။ ပြည်သူလူထုကလည်း တော်လှန်ရေးကြီး (၈)လကျော်ကြာမြင့်နေပေမယ့် သွေးအေးသွားတာမရှိပဲ ဒီမိုကရေစီအတွက် ဆက်လက်ကြိုးစားပါ၀င်နေကြတာကို တွေ့ရပါတယ်။

Photo credit-Original Uploader

ဒီကနေ့ဟာဆိုရင်လည်း အပြည်ပြည်ဆိုင်ရာ ဒီမိုကရေစီနေ့ဖြစ်ပါတယ်။ ဒီနေ့လေးမှာဆိုရင်လည်း လူငယ်တွေဟာ မြောက်ဥက္ကာလာ (၂)ဈေးအပါအ၀င် ရန်ကုန်မြို့ရှိနေရာအတော်များများမှာ သပိတ်တွေပြုလုပ်ခဲ့ကြပါတယ်။ လူစည်ကားတဲ့နေရာတွေမှာ ဆိုင်းဘုတ်တွေချခဲ့ကြပြီး ကြွေးကြော်သံတွေအော်ခဲ့ကြတာဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

Photo credit-Original Uploader

သတင်းအရင်းမြစ်: Nan Lin's Facebook acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။