ရှစ်လကျော်ကြာမြင့်လာပြီဖြစ်တဲ့ တော်လှန်ရေးကာလရှည်ကြီးမှာ ပြည်သူအားလုံးရော PDF လူငယ်တွေရော အင်တိုက်အားတိုက်ကြိုးပမ်းနေကြတာဖြစ်ပါတယ်။ D Day ကြေငြာလိုက်သည့်နေ့ကစကာ တိုက်ပွဲတွေကလည်း ဆက်တိုက်ပြင်းထန်နေပြီး မြို့ပေါ်နေရာအနှံ့မှာလည်း ပေါက်ကွဲမှုတွေနဲ့ တာဝါတိုင်ဖောက်ခွဲမှုတွေဖြစ်ပေါ်နေကာ တစ်ဖက်ကလည်း ပြင်းပြင်းထန်ထန် ပစ်ခတ်နှိမ်နှင်းမှုတွေပြုလုပ်နေတာဖြစ်ပါတယ်။
PDF ရဲဘော်တွေအနေနဲ့လည်း ပြည်သူတွေလှူဒါန်းပေးကြတဲ့ ရိက္ခာထောက်ပံ့မှုတွေနဲ့ ချို့ချို့တဲ့တဲ့စားသောက်နေကြရပြီး စစ်ရေးအတွက်ကြိုးစားပြင်ဆင်နေကြတာပါ။ ယမန်နေ့ကဆိုရင်လည်း လွတ်မြောက်နယ်မြေတစ်ခုမှာရောက်ရှိနေတဲ့ နဂါးတပ်စိတ်ရဲ့ ဗိုလ်တစ်ဦးရဲ့ မွေးနေ့လေးဖြစ်တယ်လို့သိရပါတယ်။ တပ်စိတ်က ရဲဘော်တွေဟာ အခက်အခဲတွေကြားကနေ ကိတ်လေးရအောင်ကြိုးစားပေးကြပြီး မွေးနေ့ပွဲလေးကို ပြုလုပ်ပေးခဲ့ကြတာတွေ့ရပါတယ်။
အခက်အခဲတွေကြားကနေ ညီအစ်ကိုရင်းတွေပမာ စည်းစည်းလုံးလုံးနဲ့အရေးတော်ပုံကြီးအောင်မြင်ရေးမှာ ကြိုးစားနေကြတဲ့ PDF ရဲဘော်တွေရဲ့ စိတ်ဓာတ်နဲ့ခံယူချက်ကို ဒီဗီဒီယိုမှာအထင်းသားမြင်တွေ့ရပါတယ်။ ဒါ့ပြင်မွေးနေ့လေးမှာ တပ်စိတ်အတွက်လိုအပ်နေတဲ့ လက်နက်ပစ္စည်းအချို့ကိုလည်း ၀ယ်ယူရရှိနိုင်ခဲ့တယ်လို့သိရပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Htet Nay Win's Facebook acc