ပြီးခဲ့တဲ့ စက်တင်ဘာလ (၁၄)ရက်နေ့မှာတော့ ရှန်ဟိုင်းမှာ (၁၄)ကြိမ်မြောက် တိုင်ဖွန်းမုန်တိုင်း ဝင်ရောက်တိုက်ခတ်ခဲ့တယ်လို့သိရပါတယ်။အဲ့ဒီတိုင်ဖွန်းကို တရုတ်အခေါ်အဝေါ်အရ ချန်သူး(Chanthu) လို့ခေါ်ဝေါ်ကြပြီးစက်တင်ဘာလ (၁၃)ရက်နေ့၊ညပိုင်းမှ စတင်၍ မိုးသည်းထန်စွာရွာသွန်းပြီး လေပြင်းတိုက်ခတ်မှုတွေဖြစ်ပွါးခဲ့ပါတယ်။စက်တင်ဘာလ (၁၅)ရက်နေ့၊တနင်္လာနေ့ညမှာတော့ ရှန်ဟိုင်းမြို့၊အရှေ့ဘက်ကီလိုမီတာ ၁၀၀ နှင့် ၂၀၀ကီလိုမီတာအကြားပင်လယ်ရေပြင်တွင် အားလျော့သွားတယ်လို့ ရှန်ဟိုင်းမိုးလေဝသသတင်းဌာနက ကြောငြာခဲ့တာဖြစ်ပါတယ်။

Photo Credit:China Xinhua News
Photo Credit:China Xinhua News
Photo Credit:China Xinhua News

တနင်္လာနေ့မှ ဗုဒ္ဓဟူးနေ့အထိ မိုးရေချိန် ၂၅၀မီလီမီတာအထိ ရှိလိမ့်မယ်လို့ ရှန်ဟိုင်းရဲ့ကျွမ်းကျင်ပညာရှင်အချို့ကခန့်မှန်းထားကြတာဖြစ်ပါတယ်။မုန်တိုင်းဒဏ်ကိုခံနိုင်ရည်ရှိရန်အတွက် ခရီးသွားနေရာဌာန (၁၁၂) နေရာကိုလည်းဒေသအာဏာပိုင်များက ယာယီပိတ်သိမ်းခဲ့တယ်လို့သိရပါတယ်။တရုတ်နိုင်ငံအရှေ့ပိုင်း Jiangsu ပြည်နယ်မှာရှိတဲ့မိုးလေဝသဌာနက တနင်္လာနေ့မွန်းလွဲပိုင်းတွင် တိုင်ဖွန်း (Chanthu) အတွက်တတိယအမြင့်ဆုံးအဝါရောင်သတိပေးချက်ကိုထုတ်ပြန်ခဲ့သေးတာဖြစ်ပါတယ်။

Photo Credit:China Xinhua News
Photo Credit:China Xinhua News

ဒါ့ကြောင့် Jiangsu ပြည်နယ်၊Nantong မြို့ရှိ ပညာရေးအာဏာပိုင်များက အင်္ဂါနေ့တွင် မူကြိုကျောင်းများ၊မူလတန်းနှင့်အထက်တန်းကျောင်းများကို အတန်းများရပ်ဆိုင်းရန်အမိန့်ထုတ်ခဲ့တာဖြစ်ပါတယ်။အခုလိုမုန်တိုင်းအခြေအနေကြောင့် ရှန်ဟိုင်းတွင် လူ (၃၃၃,၀၀၀)နီးပါးကို တာဝန်ရှိသူတွေက ဘေးလွတ်ရာကိုရွှေ့ပြောင်းပေးခဲ့တာဖြစ်ပါတယ်။(၁၄)ကြိမ်မြောက် တိုက်ခတ်ခဲ့တဲ့ တိုင်ဖွန်းမုန်တိုင်းရဲ့ အခြေအနေကို ဗီဒီဖိုင်နဲ့တကွ ပြန်လည်ရေးသားမျှဝေပေးလိုက်ပါတယ်။

Photo Credit:China Xinhua News
Photo Credit:China Xinhua News

Source&Video Credit:China Xinhua News

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။