ဧရာဝတီတိုင်းဒေသကြီး၊ ပုသိမ်မြို့ရှိ လမင်းဆေးရုံတွင် ပြီးခဲ့တဲ့ စက်တင်ဘာလ (၁၃) ရက်နေ့က ထူးခြားဖြစ်စဥ်တစ်ခု ဖြစ်ပေါ်ခဲ့ပါတယ်။ ဒါကတော့ ကိုယ်ဝန်ဆောင် အမျိုးသမီးတစ်ဦးက ကလေးသုံးမွှာပူးကို လမင်းဆေးရုံမှာ မွေးဖွားခဲ့တာ ဖြစ်ပါတယ် ။ ဆရာဝန်ကြီးတွေဦးဆောင်တဲ့အဖွဲ့ရဲ့ကျွမ်းကျင်မှုနဲ့အတူ သုံးမွှာပူးကလေးလေးတွေကို အောင်မြင်စွာ မွေးဖွားနိုင််ခဲ့တယ်လို့ သိရှိရတာပဲ ဖြစ်ပါတယ် ။

Photo Credit-Lamin Hospital's FB Page

ထူးထူးခြားခြား ကလေးသုံးမွှာပူးမွေးခဲ့တဲ့အကြောင်းကို လမင်းဆေးရုံရဲ့လူမှုကွန်ယက်စာမျက်နှာကတစ်ဆင့် ကြေညာခဲ့တာ ဖြစ်ပါတယ် ။ ကလေးတွေကို သားဖွားနှင့်မီးယပ်အထူးကုဆရာဝန်ကြီး ဒေါက်တာသန်းသန်းအေး၊ မေ့ဆေးဆရာဝန်ကြီး ဒေါက်တာ ဝင်းစီစီခိုင်၊ ကလေးအထူးကုဆရာဝန်ကြီး ဒေါက်တာ ဝင်းဝင်းဝါတို့ဦးဆောင်တဲ့အဖွဲ့မှ အောင်မြင်စွာ မွေးဖွားသန့်စင်ပေးနိုင်ခဲ့တာဖြစ်ကြောင်း ရေးသားထားတာလည်း တွေ့ရပါတယ်။

Photo Credit-Lamin Hospital's FB Page

လမင်းဆေးရုံက မွေးဖွားပေးခဲ့တဲ့ ကလေးအမွှာပူး သုံးယောက်လုံးက သမီးလေးတွေဖြစ်ကြပြီး ကျန်းကျန်းမာမာနဲ့ လူ့လောကထဲကို ရောက်ရှိလာခဲ့ကြတာ ဖြစ်ပါတယ် ။ ဒါ့အပြင် ကလေးတွေအားလုံးက ပါးဖောင်းဖောင်းလေးတွေနဲ့ တကယ့်ကို အသည်းယားစရာကောင်းနေကြတာလည်း ဖြစ်ပါတယ် ။ ပြည်သူတွေကလည်း ချစ်စရာကောင်းတဲ့ ဒီသုံးမွှာပူးကလေးတွေရဲ့ပုံတွေကိုကြည့်ပြီး သဘောကျချစ်ခင်နေကြတာ ဖြစ်ပါတယ် ။

Source & Photo Credit-Lamin Hospital's FB Page

Photo Credit-Lamin Hospital's FB Page
Photo Credit-Lamin Hospital's FB Page

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။