နိုင်ဂျီးရီးယား နိုင်ငံအတွင်းမှာတော့လက်နက်ကိုင်သေနတ်သမားတွေဟာ နိုင်ငံတလွှားက ကျောင်းသားတွေကို ကျောင်းတွေကနေ အစုလိုက်အပြုံလိုက် ပြန်ပေးဆွဲမှုတွေ ပြုလုပ်လျက်ရှိပါတယ်။

ပြီးခဲ့တဲ့ စက်တင်ဘာလ ၁ ရက်နေ့ကဆိုရင်လည်း နိုင်ငံ အနောက်မြောက်ပိုင်းက ဇမ်ဖာရာပြည်နယ်အတွင်းမှာ ကျောင်းသား ၇၅ ယောက် ပြန်ပေးဆွဲခံခဲ့ရပါတယ်။

ဒီဇမ်ဖာရာပြည်နယ်ဟာ ကလေးငယ်တွေပြန်ပေးဆွဲတာကို အဆိုးဆုံးခံရတဲ့ ပြည်နယ်တွေထဲက တစ်ခုလည်း ဖြစ်ပါတယ်။

လက်ရှိမှာတော့ စစ်တပ်ရဲ့ ပြန်ပေးသမား လက်နက်ကိုင်တွေအပေါ် ထိုးစစ်ဆင်မှုကြောင့်ပြန်ပေးသမားတွေဟာ ဖမ်းဆီးထားတဲ့ ကျောင်းသား ၇၅ ယောက်လုံးကို ပြန်လွှတ်ပေးခဲ့ပြီလို့ သိရပါတယ်။

ပြန်ပေးဆွဲရတဲ့အကြောင်းရင်းကတော့ လက်နက်ကိုင်သမားတွေဟာ ​ကလေးတွေအတွက် ပြန်ရွေးငွေလိုချင်တာကြောင့်ပဲ ဖြစ်ပါတယ်။

နိုင်ဂျီးရီးယားနိုင်ငံအတွင်းမှာ မနှစ်က ဒီဇင်ဘာလကနေစပြီး လက်ရှိအချိန်ထိဆိုရင် ကလေး ၁၁၀၀ ကျော်လောက် ပြန်ပေးဆွဲခံခဲ့ရတယ်လို့လည်း သိရပါတယ်။

သတင်းအရင်းမြစ်: Reuters

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။