မြန်မာနိုင်ငံမှာ ရုတ်တရက် ဖြစ်ပေါ်ခဲ့တဲ့ နိုင်ငံရေး အခြေအနေတွေကြောင့် စစ်မှန်တဲ့ ဒီမိုကရေစီစနစ်ကို လိုလားကြတဲ့ ပြည်သူတွေက မခံမရပ်နိုင်ဖြစ်ခဲ့ကြရပါတယ် ။ ဒါကြောင့်လည်း နေရာအနှံ့အပြားက ပြည်သူတွေက သူတို့ရဲ့ ယုံကြည်ချက်တွေကို ပြသဖို့ ပုံသဏ္ဌာန်မျိုးစုံ ဆန္ဒထုတ်ဖော်မှုတွေ ၊ ကြွေးကြော်သံတွေကို ဒီနေ့အထိ ရရင်ရသလို လှုပ်ရှားနေကြဆဲပါ ။

Photo Credit : We Are Everything WAE Facebook Page 

အခုလည်း ယင်းမာပင်မြို့နယ်က ရာနဲ့ ချီတဲ့ PDF တွေ စုပေါင်းပြီး သွေးသစ္စာသီချင်းကို ပြိုင်တူ သီဆိုကာ ကြွေးကြော်သံများနဲ့ ဆူညံစွာ ဆန္ဒထုတ်ဖော်ခဲ့ကြတဲ့ ဗီဒီယိုကိုတွေ့ရပါတယ် ။ ဒီလို PDF တွေ အနေနဲ့ လမ်းပေါ်ထွက်ကာ ရဲရဲဝင့်ဝင့် ဆန္ဒထုတ်ဖော်ကြတာ ပထမဆုံး လို့လည်း သိရပါတယ် ။

Photo Credit : We Are Everything WAE Facebook Page 

"တို့ပြည်သူတွေညီရဲ့လားဟေ့ ညီတယ်ဟေ့ ညီတယ်ဟေ့ "လို့ဟစ်ကြွေးကာ ချီတက်လာတဲ့ ဗီဒီယိုထဲက မြင်ကွင်းတွေ တကယ်ကို ကြက်သီးထစရာပါပဲ ။ ဒါ့အပြင် ဆင်တွေကိုစီးကာ ဟစ်ကြွေးနေကြတဲ့ ပုံတွေကို ဗီဒီယိုထဲမှာတွေ့ရမှာပါ ။ ဒီလို ချီတက်လှုပ်ရှားမှုကို လာရောက် ဟန့်တားသူတွေ မရှိဘူးလို့လည်း သိရပါတယ် ။ ပရိသတ်ကြီးအတွက် ယင်းမာပင်က  PDF တွေရဲ့ လှုပ်ရှားမှု ဗီဒီယိုကို ဝေမျှပေးလိုက်ပါတယ် ။

Source & Photo Credit : We Are Everything WAE Facebook Page 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။