ရှမ်းပြည်နယ်တောင်ပိုင်း ၊ လဲချားမြို့ဝမ်မိုင်ရွာမှာ ပြန်လည်ပြုပြင်မွမ်းမံနေတဲ့ စေတီတော်ကြီးတစ်ဆူကနေ ရှေ့ဟောင်း လက်ဝတ်ရတနာများတူးဖော်တွေ့ရှိခဲ့ရကြောင်း ဒေသခံတစ်ဦးရဲ့ လူမူကွန်ယက်မှာ ယမန်နေ့က ရေးသားဖော်ပြထားတာ တွေ့ရပါတယ်။ အဆိုပါ စေတီတော်ကြီးဟာ နှစ်ပေါင်းရာနဲ့ချီရှိပြီး အိုဟောင်းပြိုကျပျက်စီးလာတာကြောင့် ဒေသခံပြည်သူများက ပြန်လည်မွမ်းမံဖို့အတွက် တူးဖော်ခဲ့တာ ဖြစ်ပါတယ်။

PhotoCredit -SIMweOnn
PhotoCredit -SIMweOnn
PhotoCredit -SIMweOnn
PhotoCredit -SIMweOnn

ဒေသခံတွေရဲ့ ပြောပြချက်အရ အဆိုပါစေတီတော်ကြီးကို မတူးဖော်ခင် အရင်တုန်းက အထပ်ထပ်အခါခါဖြင့် အလုံပိတ်ခဲ့ပြီး ပူဇော်ထားရှိခဲ့တာလို့ ဆိုပါတယ်။ အဲ့လို ပူဇော်ထားရှိတဲ့ အချိန်ကနေစတင်ကာ ဝမ်မိုင်ရွာတစ်ရွာလုံး ရွာပျက်ကြီးသဖွယ်ဖြစ်သွားပြီး ယနေ့အချိန်ထိ အိမ်ခြေ (၃၀)နီးပါးသာရှိကြောင်း ပြောပြထားတာ တွေ့ရပါတယ်။ ရှမ်းပြည်နယ်တောင်ပိုင်းအတွင်းမှာ ယခုလိုမျိုး အိုဟောင်းနေတဲ့ နှစ်ပေါင်းရာချီ စေတီပုထိုးများစွာ ရှိတာဖြစ်ပါတယ်။

PhotoCredit -SIMweOnn
PhotoCredit -SIMweOnn
PhotoCredit -SIMweOnn
PhotoCredit -SIMweOnn
PhotoCredit -SIMweOnn

ယခုတူးဖော်ရရှိခဲ့တာကတော့ အဖိုးတန်ရှေ့ဟောင်း လက်ဝတ်ရတနာတွေအပြင် ဘုရားဆင်းတုတော်များ တူးဖော်တွေ့ရှိခဲ့ပါတယ်။ ဆင်းတုတော်တချို့ကတော့ ဦးခေါင်းတော်တွေမပါရှိဘဲ အိုဟောင်းပျက်စီးနေတာ တွေ့ရပါတယ်။ ဗုဒ္ဓဘာသာဝင်များဟာ ဘုရားတည်ခဲ့စဥ်မှာ ဒါယိကာ၊ဒါယိကာမတွေက နောင်တစ်ချိန်ပျက်စီးယိုယွင်းခဲ့သည်ရှိသော် ပြန်လည်ပြုပြင်နိုင်ရန်ရည်ရွယ်ပြီး စေတီတော်အတွင်းမှာ တန်ဖိုးရှိ ရတနာတွေကို ထည့်သွင်မြုပ်နှံခဲ့ကြတာလို့လည်း ဆိုထားကြပါတယ်။ ယခုတူးဖော်ရရှိခဲ့တဲ့ ရှေ့ဟောင်းရတနာပစ္စည်းတွေကိုလည်း ပရိသတ်တွေအတွက် ဗဟုသုတရအောင် ပြန်လည်ဖော်ပြပေးလိုက်ပါတယ်။

PhotoCredit -SIMweOnn
PhotoCredit -SIMweOnn
PhotoCredit -SIMweOnn
PhotoCredit -SIMweOnn
PhotoCredit -SIMweOnn

သတင်းအရင်းမြစ်: Source - SIMweOnn

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။