လတ်တလော မြို့နယ်တချို့တွေမှာ အာဏာရှင်လူတစ်စုရဲ့ လက်အောက်ခံ စီးပွားရေးတစ်ခုဖြစ်တဲ့ ဆက်သွယ်ရေး Mytel တာဝါတိုင်များကို ဒေသခံ ပြည်သူ့ကာကွယ်ရေးတပ်တွေက မိုင်းဖောက်ခွဲခြင်း ၊ မီးရှို့ဖျက်စီးတာတွေကို လုပ်ဆောင်လာခဲ့ပါတယ်။ အထူးသဖြင့် စစ်ကိုင်းတိုင်းဒေသကြီးအတွင်းက Mytel တာဝါတိုင်များကို ပိုမိုဖျက်စီးခဲ့တာ တွေ့လာရပါတယ်။
ဒါ့အပြင် မြို့နယ်တချို့တွေမှာလည်း ထိုးစစ်ဆင်လာတဲ့ အာဏာရှင်လူတစ်စုရဲ့ တပ်တွေနဲ့ မြို့ခံပြည်သူ့ကာကွယ်ရေးတွေအကြား ထိတွေ့တိုက်ပွဲတွေလည်း ဖြစ်ပွားခဲ့ပါတယ်။ ဒေသခံပြည်သူ့ကာကွယ်ရေးတပ်တွေကတော့ စစ်ဆင်ရေးအရ Mytel တာဝါတိုင်များကို ဖျက်စီးခဲ့ခြင်းဖြစ်တယ်လို့လည်း ဖော်ပြထားခဲ့ပါတယ်။ ယခုမှာလည်း စစ်ကိုင်းတိုင်းဒေသကြီးအတွင်းက Mytel တာဝါတိုင်တချို့ မီးရှို့ဖျက်စီးခဲ့တဲ့ ရုပ်သံဖိုင်တစ်ခု ထွက်ပေါ်လာခဲ့ပါတယ်။
အဆိုပါ တာဝါတိုင်ကို မီးရှို့ဖျက်စီးခဲ့တဲ့ လုပ်ငန်းစဥ်မှာတော့ Special Attacking Force နှင့် ဒေသခံပြည်သူ့ကာကွယ်ရေးတပ်များ ပူးပေါင်းကာ လုပ်ဆောင်ခဲ့တာလို့ သိရပါတယ်။ ရုပ်သံဖိုင်ထဲမှာတော့ Mytel တာဝါတိုင်ဟာ မီးအားပြင်းပြင်းနဲ့ လောင်ကျွမ်းနေတာ တွေ့ရပါတယ်။ ဒီရုပ်သံဖိုင်ကိုလည်း ပရိသတ်တွေ ပြန်လည် ကြည့်ရှုလို့ရအောင် ဖော်ပြပေးလိုက်ပါတယ်။
သတင်း အရင်းအမြစ်៖ Source - MPA