ရှမ်းပြည်နယ်မြောက်ပိုင်း တရုတ်နယ်စပ်တစ်လျှောက်မှာ အာဏာရှင်လူတစ်စုရဲ့ တပ်တွေနဲ့ ကိုးကန့် MNDAA တပ်တို့ကြား လတ်တလော ထိတွေ့တိုက်ပွဲတွေ ဆက်တိုက်ဆိုသလို ဖြစ်ပွားလာတာ တွေ့ရပါတယ်။ အဆိုပါ တိုက်ပွဲတွေမှာ အာဏာရှင်လူတစ်စုဘက်က အကျအဆုံးအများအပြားလည်းရှိခဲ့ပါတယ်။ စက်တင်ဘာလ (၁၀) ရက်နေ့ကတော့ မူဆယ်မြို့နယ်၊ ၁၀၅ မိုင်-ပန်ဆိုင်းလမ်းရှိ လုံခန်ရွာအနီးနားလောက်မှာ အရပ်သားကားတစ်စီးကို ကိုးကန့် MNDAA က ပစ်ခတ်တိုက်ခိုက်ခဲ့ရာမှာ ယာဉ်မောင်း သေဆုံးသွားခဲ့ပါတယ်။

Photo Credit - Original Upload
Photo Credit - Original Upload

အဆိုပါ အရပ်သားကားဟာ ချောဆွဲခံရတာဖြစ်ပြီး အာဏာရှင်လူတစ်စုရဲ့ စားနပ်ရိက္ခာတွေကို သယ်ဆောင်လာတာကြောင့် ပစ်ခတ်တိုက်ခိုက်ခံရတာ ဖြစ်ပါတယ်။ဒါ့အပြင် သယ်ဆောင်လားတဲ့ စားနပ်ရိက္ခာတွေအပြင် ကားကိုပါ ကိုးကန့် MNDAA အဖွဲ့ က မီးရှို့ဖျက်စီးခဲ့ပါတယ်။ ပစ်ခတ်မှုကြောင့် သေဆုံးသွားတဲ့ ယာဥ်မောင်းဟာ နမ့်ဖတ်ကာကျေးရွာက ပလောင်တိုင်းရင်းသားလူမျိုးဖြစ်ပြီး အသက် (၄၃)နှစ်ရှိ ဦးအိုက်လျန်ဖြစ်တယ်လို့ သတင်းများအရ သိရပါတယ်။

Photo Credit - Original Upload
Photo Credit - Original Upload

သေဆုံးသွားတဲ့ ရုပ်အလောင်းကိုတော့ မူဆယ်ဂရုဏာလူမှုကူညီရေး အသင်းက သွားရောက်သယ်ဆောင်ခဲ့ပြီး နမ့်ဖတ်ကာ လူမျိုးပေါင်းစုံသုဿာန်မှာ မီးသင်္ဂြိုလ်ပေးခဲ့ပါတယ်။ ဒီဖြစ်ရပ်မှာ ယာဥ်မောင်းသေဆုံးရတာနဲ့ ပတ်သက်ပြီး တချို့ပြည်သူတွေကြားမှာ ဝေဖန်မှုတွေ ရှိလာခဲ့တာ တွေ့ရပါတယ်။ သေဆုံးသူ ယာဥ်မောင်းရဲ့ ရုပ်အလောင်းအား မီးသင်္ဂြိုလ်ပေးခဲ့တဲ့ မြင်ကွင်းတချို့ကိုလည်း ပရိသတ်တွေအတွက် ပြန်လည်ဖော်ပြပေးလိုက်ပါတယ်။

Photo Credit - Original Upload
Photo Credit - Original Upload

သတင်းအရင်းမြစ်: Source - Original Upload

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။