ဘောလုံးအသင်း တစ်သင်းဟာ မယုံနိုင်စရာကောင်းလောက်အောင် ၄၀-၀ နဲ့ ရှုံးနိမ့်ခဲ့ပေမယ့် သူတို့ဟာ ပြုံးနေတုန်းပါပဲ။ Pirate FM Cornwall Women's League မှာ RNAS Culdrose အမ‌ျိုးသမီးအသင်းဟာ အိမ်ကွင်းမှာ မြို့ခံပြိုင်ဘက်အသင်းဖြစ်တဲ့ Helston အသင်းကို ခုလိုအကြီးအကျယ်ရှုံးခဲ့တာဖြစ်ပါတယ်။ Culdrose အသင်းအတွက် အဲ့ဒီရာသီဟာ တော်တော်လေး ကြမ်းတမ်းခဲ့ပါတယ်။ ၁၁ ပွဲကစားတာ ပေးဂိုး ၁၇၇ ဂိုးရှိပြီး သွင်းဂိုး‌ကတော့ ၃ လုံးပဲရှိပါတယ်။

Helston အသင်း Manager ဖြစ်တဲ့ Charlotte Bond ကတော့ " သူတို့တွေက ပြိုင်ပွဲပြီး ဂိုးရလဒ်တွေနဲ့ပတ်သက်လို့ အပြုံးမပျက်ခဲ့ကြပဲ ဆက်လက်ပြုံးနေခဲ့ပါတယ်၊ ကစားပွဲကောင်းတစ်ပွဲလည်းဖြစ်ခဲ့ပြီး Culdrose အသင်းဟာ ဂိုးတွေပေးခဲ့ရပေမယ့် အဆုံးထိ ကောင်းကောင်းကစားခဲ့ကြပြီး ရုန်းကန်ခဲ့ကြပါတယ် " ဆိုပြီး သူမက ပြောပြခဲ့ပါတယ်။

ပွဲဟာ မိနစ် ၂၀ လောက်ထိ ၄-၀ ပါပဲ၊ ဒါပေမယ့် ပွဲချိန်တစ်၀က် ရောက်တဲ့အခါမှာတော့ ၁၈-၀ ဖြစ်ခဲ့ပါတယ်။ Charlotte ဟာလည်း Helston အသင်းဟာ League ထဲမှာ အနိမ့်ဆုံး အသင်းပါပဲဆိုပြီး ပြောခဲ့ပါတယ်။ Culdrose အသင်းကလူတွေဟာ သူတို့အတွက် ဘယ်လောက်ပဲ ကျရှုံးပါစေ အပြုံးတော့ မပျက်ခဲ့ကြပါဘူး။ အပြုံးမပျက်တဲ့အပြင် ကြိုစားမှုလည်း လျော့သွားတာ မရှိလို့ လေးစားဖွယ်လည်း ကောင်းပါတယ်။

သတင်းအရင်းမြစ်: Mirror

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။