စက်တင်ဘာလ (၇) ရက်နေ့မှာ NUG အစိုးရအနေနဲ့ အာဏာရှင်ကို တစ်တိုင်းပြည်လုံး အတိုင်းအတာနဲ့ တော်လှန်ကြဖို့ လှုံ့ဆော်မှုတစ်ခုပြုလုပ်ပြီးတဲ့အချိန်မှာပဲ အခြေအနေတွေဟာ အရင်ထက်ပိုပြီးဆိုးဝါး လာခဲ့ပါတယ်။ တိုက်ပွဲတွေလည်းပိုမိုပြင်းထန်လာခဲ့ပြီး ပြည်သူလူထုတွေကလည်း သတိ ဝီရိယနဲ့ အမြဲတမ်းအန္တရာယ်ကို မျက်ချေမပြတ်စောင့်ကြည့်နေရတဲ့ အနေအထားပါ။ မြို့တိုင်းနယ်တိုင်းလိုလိုက အာဏာရှင်ရဲ့ လက်အောက်ခံစီးပွားရေးတစ်ခုဖြစ်တဲ့ Mytel တာဝါတိုင်တွေဟာလည်း ဖြိုချဖျက်ဆီးခံခဲ့ ရပါတယ်။
ဒီနေ့မှာလည်း NUG အစိုးရရဲ့ထုတ်ပြန်ချက်နဲ့အညီ General Strike Committee - GSC အဖွဲ့ကလည်း လှည်းတန်းလမ်းဆုံမှာ '' လူထုအားလုံးလွတ်မြောက်ဖို့ တော်လှန်စစ်ကိုဆင်နွှဲစို့ " ဆိုတဲ့ပိတ်စတွေကို ချိတ်ဆွဲခဲ့ကြပါတယ်။ ပြည်သူလူထုဟာ ရတဲ့နည်းနဲ့တော်လှန်နေခဲ့ပြီး အာဏာရှင်ကိုအမြတ်ဖြတ်နိုင်ဖို့ ကြိုးပန်းနေခဲ့ကြပါတယ်။ နှစ်ဖက်လုံးက အခြေအနေတွေ တင်းမာနေခဲ့ပြီး လက်ရှိအချိန်မှာတော့ အထိအခိုက်အကျအဆုံးတွေ ပိုပြီးများလာခဲ့ပါတယ်။
တောထဲမှာဒုက္ခခံနေရတဲ့ PDF တွေကို လှူဒါန်းကြသူတွေလည်းရှိသလို ပျောက်ကြားသပိတ်တွေဆင်နွှဲပြီး ဆန္ဒထုတ်ဖော်တာတွေလည်း မကြာခဏဆိုသလို ပေါ်ထွက်လာခဲ့ပါတယ်။ လူကိုယ်တိုင်ပါဝင်တဲ့ သပိတ်စစ်ကြောင်းတွေအပြင် အခုလို စာတန်းသီးသန့်နဲ့ လူမဲ့သပိတ်တွေဟာလည်း အများအပြားပါပဲ။ အရင်လို ပျော်ရွှင်လွတ်လပ်တဲ့ နေ့ရက်တွေကို ပြန်ပိုင်ဆိုင်နိုင်ဖို့ဆိုတာ အာဏာရှင်စနစ်ကျရှုံးမှပဲဖြစ်မှာမို့ ပြည်သူတစ်ရပ်လုံးက ရရာနည်းနဲ့တော်လှန်နေကြဆဲပါပဲ။
သတင်း အရင်းအမြစ်៖ General Strike Committee - GSC's FB Acc