Covid 19 ကပ်ရောဂါဆိုးကြီးနဲ့ ပတ်သက်ပြီး နိုင်ငံတော်တော်များများဟာ စီးပွားရေး လူမှုရေးနဲ့ ကျန်းမာရေးတွေအပြင် အစစအရာရာ အထိနာခဲ့ကြရပါတယ်။ ကိုဗစ်ကာကွယ်ဆေးနဲ့ ပတ်သက်ပြီး ကာကွယ်ဆေးရရှိဖို့အတွက် နိုင်ငံတော်တော်များများကြိုးစားနေကြပေမယ့် မြောက်ကိုရီးယားနိုင်ငံကတော့ ကုလသမဂ္ဂက ပေးမယ့် ကိုဗစ်ကာကွယ်ဆေးကို ငြင်းပယ်ခဲ့ပါတယ်။

Photo Credit - FOX 13 News 

ကုလသမဂ္ဂက ပေးအပ်မယ့် တရုတ်ထုတ် ကိုဗစ်-၁၉ ကာကွယ်ဆေး သုံးသန်းနီးပါးကို အခြားနိုင်ငံသို့ လွှဲပြောင်းပေးအပ်ဖို့ မြောက်ကိုရီးယားက တောင်းဆိုခဲ့တာ ဖြစ်ပါတယ်။ သူတို့ကိုပေးမယ့် ကာကွယ်ဆေးတွေကို ရောဂါကူးစက်မှုဒဏ်တွေ အကြီးအကျယ်ရင်ဆိုင်နေရတဲ့ အခြားနိုင်ငံများသို့ လွှဲပြောင်းပေးဖို့ မြောက်ကိုရီးယားက တောင်းဆိုခဲ့တယ်လို့ ကုလသမဂ္ဂပြောရေးဆိုခွင့်ရှိသူက စက်တင်ဘာလ (၁)ရက်နေ့က ပြောကြားခဲ့ပါတယ်။

Photo Credit - FOX 13 News 

ဆင်းရဲတဲ့နိုင်ငံတွေအတွက် ကာကွယ်ဆေးများရရှိစေဖို့အနေနဲ့ ကုလသမဂ္ဂဦးဆောင်တဲ့ Covax အစီအစဉ်မှတစ်ဆင့် မြောက်ကိုရီးယားသို့ တရုတ်နိုင်ငံထုတ် Sinovac ကိုဗစ်-၁၉ ကာကွယ် ဆေးတွေကို ပေးအပ်ဖို့ စီစဉ်ခဲ့တာ ဖြစ်ပါတယ်။

မြောက်ကိုရီးယားဟာ ကုလမသဂ္ဂရဲ့ ကာကွယ်ဆေးပေးအပ်မှုကို အခုလိုငြင်းပယ်ခဲ့တာဟာ ပထမဆုံးအကြိမ် မဟုတ်ဘဲ ပြီးခဲ့တဲ့ ဇူလိုင်လအတွင်းကလည်း AstraZeneca ကာကွယ်ဆေး နှစ်သန်းပေးပို့မှုကိုလည်း ဖြစ်လာနိုင်တဲ့ ဘေးထွက်ဆိုးကျိုးတွေကြောင့် ငြင်းဆန်ခဲ့ပါသေးတယ်။ 

Photo Credit - Original Uploader

သတင်းအရင်းမြစ်: FOX 13 News


"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။