ကြုံတွေ့နေရတဲ့ အခက်အခဲတွေကို ပြည်သူအချင်းချင်း မကြည့်ရက်လို့ ကိုယ်တတ်နိုင်တဲ့ နေရာတွေကနေ ကူညီဖေးမလျက်ရှိကြပါတယ် ။ နိုင်ငံရေး အခြေအနေတွေရော ၊ ကိုဗစ်ရောဂါဖြစ်ပွားမှုတွေရော ဆုံသွားတာကြောင့် အတော်လေး အဆင်မပြေကြတဲ့ ပြည်သူတွေ နေရာတိုင်းမှာ များစွာရှိနေပါတယ် ။ လက်လုပ်လက်စား ပြည်သူတွေဆို ပိုလို့တောင် စားဝတ်နေရေး အခက်အခဲတွေကို ကြုံတွေ့နေရပါတယ် ။

Photo Credit : ရွှေပါရမီ ပညာဒါန Facebook Page 
Photo Credit : ရွှေပါရမီ ပညာဒါန Facebook Page 

ဒါကြောင့် ခုရက်ပိုင်းတွေမှာဆိုရင် ခက်ခဲကျပ်တည်းနေတဲ့ အခြေခံလူတန်းစားတွေ အတွက် စေတနာ အလှူရှင်တွေ စုပေါင်းပြီး စားသောက်ကုန်တွေကို လိုက်လံ လှူဒါန်းပေးတာတွေ ရှိသလို ဈေနှုန်းအနည်းငယ်တွေနဲ့ ရောင်းချပေးတဲ့ အစီအစဉ်တွေကို နေရာတော်တော် များများမှာ လုပ်လာကြတာ တွေ့ရပါတယ် ။ ဒီလို ကူညီလှူဒါန်းပေးမှုကြောင့် ခက်ခဲနေသူတွေလည်း ခဏတာပဲ ဖြစ်ဖြစ် အဆင်ပြေသွားကြလို့ ပျော်ရွှင်နေကြတဲ့ မြင်ကွင်းတွေက ပီတိဖြစ်စရာပါ ။

Photo Credit : ရွှေပါရမီ ပညာဒါန Facebook Page 
Photo Credit : ရွှေပါရမီ ပညာဒါန Facebook Page 

အခုလည်း ကိုဗစ်ရောဂါတွေ ဖြစ်ပွားနေတဲ့ ကာလတွေမှာ စားဝတ်နေရေး အခက်အခဲတွေနဲ့ ကြုံတွေ့နေရတဲ့ အင်းလေးဒေသက ပြည်သူတွေအတွက် ဆရာတော်တစ်ပါးက စားသောက်ကုန်များကို အင်းလေး ပရိဟိတ အသင်းကနေတစ်ဆင့် လှူဒါန်းပေးဝေခဲ့ပါတယ် ။ အလှူလက်ခံရရှိလို့ ပြုံးပျော်ပီတိဖြစ်နေတဲ့ ဒေသခံတွေရဲ့ ပုံရိပ်တွေက အပျော်တွေ ကူးစက်သည်အထိ ကြည်နူးစရာကောင်းတာ အမှန်ပါပဲ ။ ပရိသတ်ကြီးအတွက် ဆရာတော်ဘုရားရဲ့ အလှူလေးကို ပြန်လည်ဝေမျှပေးလိုက်ပါတယ် ။

Photo Credit : ရွှေပါရမီ ပညာဒါန Facebook Page 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။