ဆန္ဒထုတ်ဖော်မှုတွေ ဆက်လက်အရှိန်ကောင်းနေပြီး ပုံသဏ္ဌာန်မျိုးစုံနဲ့ လှုပ်ရှားမှုတွေ အစွမ်းကုန်ပြုလုပ်နေတဲ့ ထိုင်းနိုင်ငံက ပြည်သူများ

မြန်မာနိုင်ငံမှာ ဒီမိုကရေစီအရေးအတွက် ရရာနည်းလမ်းတွေသုံးပြီး အာဏာရှင်ကို တွန်းလှန်နေသလို အိမ်နီးချင်းထိုင်းနိုင်ငံမှာလည်း ဒီမိုကရေစီ ရရှိရေးအတွက် ထိုင်းပြည်သူတွေ စုပေါင်းပြီး ဆန္ဒထုတ်ဖော်နေကြပါတယ်။  ထိုင်းနိုင်ငံ၊ဘန်ကောက်မြို့မှာ နေထိုင်ကြတဲ့  ပြည်သူတွေက စစ်ဗိုလ်ချုပ်ဟောင်းဖြစ်တဲ့ ဝန်ကြီးချုပ် ပရာယွတ်နုတ်ထွက်ပေးရေးအတွက် သူတို့ရဲ့ဆန္ဒတွေကို ထုတ်ဖော်ခဲ့ကြတာ ဖြစ်ပါတယ်။ 

ထိုင်းက ပြည်သူတွေ အနေနဲ့ လှုပ်ရှားမှုတွေကို နေ့ရက်တိုင်း ပြုလုပ်နေတာဖြစ်ပြီး အသက်အရွယ်မရွေး ပါဝင် နေတာကိုလည်း ဗီဒီယိုတွေ ပုံရိပ်တွေမှာ တွေ့ရပါတယ် ။ ထိုင်းရဲတပ်ဖွဲ့တွေ အနေနဲ့ ဆန္ဒပြ ပြည်သူတွေကို ဖြိုခွင်းတာတွေ ဖမ်းဆီး တာတွေ ရှိနေခဲ့ပြီး ပြည်သူတွေကတော့ အားမလျော့သွားဘဲ ရရာနေရာတွေကနေ လှုပ်ရှားမှုတွေ ကို ပြုလုပ်နေကြဆဲပါ ။

ယနေ့ စက်တင်ဘာလ (၄ ) ရက်နေ့မှာလည်း ဘန်ကောက်မြို့ရဲ့ လူစည်ကားရာ လက်မတွေ အထက်မှာ အင်အားများစွာရှိတဲ့ ပြည်သူတွေ စုပေါင်းပြီး ပုံသဏ္ဌာန်မျိုးစုံနဲ့ ဆန္ဒထုတ်ဖော်ခဲ့ကြပါတယ် ။ တစ်ချို့ကလည်း ဖျော်ဖြေရေး တီဝိုင်းတွေနဲ့ ငြိမ်းချမ်းစွာ ဆန္ဒထုတ်ဖော်နေကြတာကို ပုံထဲမှာ တွေ့မြင်ရမှာပါ ။ ပရိသတ်ကြီးအတွက် ထိုင်းနိုင်ငံက ပြည်သူတွေရဲ့ လှုပ်ရှားမှုပုံရိပ်တွေကို ဝေမျှပေးလိုက်ပါတယ် ။