တိုက်ပွဲတွေပြီးဆုံးချိန်မှာ ဒေါ်လာသန်းချီတန်တဲ့ စစ်လက်နက်ပစ္စည်းတွေအပြင် နိုင်ငံ့ဘဏ္ဍာငွေများစွာကို သိမ်းဆည်းရရှိခဲ့တဲ့ တာလီဘန်တွေရဲ့ ရုပ်သံဖိုင်

အမေရိကန်စစ်တပ်က အာဖဂန်နစ်စတန်နိုင်ငံရဲ့ ပြည်တွင်းစစ်ပွဲမှာပါဝင်ခဲ့ပြီး နှစ်ပေါင်း(၂၀)အကြာမှာ တပ်တွေပြန်လည်ရုပ်သိမ်းခဲ့ပါတယ်။ အမေရိကန်တပ်တွေ အာဖဂန်ပြည်တွင်းကနေ တဖြည်းဖြည်းရုပ်သိမ်းလာခဲ့ပြီးနောက် တာလီဘန်တွေဟာ ရက်အနည်းငယ်အတွင်း မြို့တော်တွေကို သိမ်းပိုက်လာခဲ့ပါတယ်။ တာဘီဘန်တွေကို မထောက်ခံတဲ့ တချို့အာဖဂန်ပြည်သူတွေကတော့ နိုင်ငံကနေ ကိုယ်လွတ်ရုန်းပြီး ထွက်ပြေးခဲ့ကြရပါတယ်။

ဒီလိုထွက်ပြေးသွားခဲ့တဲ့ အာဖဂန်ပြည်သူတွေရဲ့ ပိုင်ဆိုင်ကြတဲ့ နေအိမ်များ၊ ဆိုင်ခန်းများအပြင် တန်ဖိုးကြီး အရာတွေကို တာလီဘန်တွေက ရယူခဲ့ကြပါတယ်။ ဒါ့အပြင် အာဖဂန်စစ်တပ်ကနေ ဒေါ်လာသန်းချီတန်တဲ့ ရဟတ်ယာဥ်များအပါအဝင် စစ်လက်နက် ပစ္စည်းများစွာကိုလည်းရရှိခဲ့ပါတယ်။ ယခုမှာလည်း တာလီဘန်တွေက ၎င်းတို့သိမ်းဆည်းရမိခဲ့တဲ့ အရာတွေကို ရုပ်သံဖိုင်များဖြင့် ဖော်ပြလာခဲ့ပါတယ်။

ဒါကတော့ အာဖဂန်စစ်တပ်နဲ့ တိုက်ပွဲအတွင်းရရှိခဲ့တဲ့ ခေတ်မှီစစ်လက်နက်ပစ္စည်းတွေအပြင် နိုင်ငံ့ဘဏ္ဍာငွေများစွာကိုလည်း ရရှိထားခဲ့တာဖြစ်ပါတယ်။ ဒါ့အပြင် အမေရိကန်စစ်တပ်ကနေ ကျန်ရှိခဲ့တဲ့ ဒေါ်လာသန်းချီတန် တိုက်ခိုက်လေယာဉ်တွေအပြင် စစ်လက်နက်ပစ္စည်းများ၊ သံချပ်ကားယာဥ်များစွာကိုလည်း ရရှိထားခဲ့ပါတယ်။ အမေရိကန်စစ်တပ်ကတော့ ၎င်းတို့ကျန်နေခဲ့တဲ့ အရာတွေကို တာလီဘန်တွေ အလွယ်တကူအသုံးမပြုနိုင်အောင် နည်းပညာများဖြင့် ပိတ်ထားခဲ့ကြတယ်လို့ နိုင်ငံတကာသတင်းများရဲ့ ဖော်ပြချက်အရ သိရပါတယ်။

သတင်း အရင်းအမြစ်៖ Source - SiThu Maung