စစ်ကိုင်းတိုင်း ပုလဲမြို့နယ် ပုံတောင်တကြောမှာ တည်ရှိတဲ့ ခင်သာရွာကို ရောက်ရှိနေတဲ့ အကြမ်းဖက်အဖွဲ့ဟာ ယနေ့ညက အဓမ္မပြုကျင့်မှု တစ်ခု ကျူးလွန်ခဲ့တာကြောင့် အမျိုးသမီးတစ်ဦး သေဆုံးခဲ့ရပါတယ်..။
အဓမ္မပြုကျင့်ခံရတဲ့ ခင်သာရွာနေ အသက် (၆၀)ခန့်အရွယ် ဒေါ်မြဆင့်သူဟာ စိတ်ဝေဒနာရှင်တစ်ဦးဖြစ်ပြီး အခင်းဖြစ်ပွားပြီးနောက် သေဆုံးခဲ့တာ ဖြစ်တယ်လို့ သိရပါတယ်..။
အဓမ္မပြုကျင့်မှုကြောင့် စိတ်ဝေဒနာရှင်အမျိုးသမီးတစ်ဦးသေဆုံးခဲ့ရသလို အသက် (၃၅)နှစ် အရွယ် ရွာသားတစ်ဦးလည်း ဖမ်းဆီးခံရပြီး အသတ်ခံရကာ အလောင်းကိုတော့ ယမားချောင်းထဲမှာ ဒေသခံတွေက ပြန်လည်တွေ့ရှိခဲ့ကြပါတယ်..။
ချောင်းထဲမှာတော့ အဆိုပါရွာသားရဲ့အလောင်းအပြင် အခြားအမည်မသိအလောင်း တစ်လောင်းကိုလည်း တွေ့ရှိခဲ့တယ်လို့လည်း သိရပါတယ်..။
အကြမ်းဖက်အဖွဲ့ဟာ ရွာသူရွာသားများရဲ့ နေအိမ်များကို ဖောက်ထွင်းဖျက်ဆီးပြီး အလိုရှိတာတွေ ယူဆောင်သွားကြောင်းကိုလည်း ဒေသခံပြည်သူတွေက ပြောပြလာပါတယ်..။
အခုလို ဥပဒေမဲ့ အကြမ်းဖက် သောင်းကျန်းရမ်းကားတာတွေကို ရင်ဆိုင်ခံစားနေရတာတွေကြောင့် ပြည်သူတွေကလည်း စိုးရိမ်နေကြတာ ဖြစ်ပါတယ်..။