ကိုဗစ်ရောဂါနဲ့ ပျံလွန်တော်မူသွားတဲ့ ဟိုပုံးကိုရင်လေး ရုပ်ကလာပ်တော်အား မီးပူဇော်ဖို့အန္တိမဈာပနအတွက် ပင့်ဆောင်ပြင်ဆင်နေတဲ့ ဗီဒီယို

ရှမ်းပြည်နယ် တောင်ပိုင်း ဟိုပုံးမြို့နယ် ကိုဗစ်ရောဂါကူးစက်ခံရပြီး ပျံလွန်တော်မူသွားတဲ့ ဟိုပုံးကိုရင်လေး (အရှင်ပေါရိဿ ) အန္တိမစျာပန ကျင်းပဖို့ ပင့်ဆောင်ခဲ့ပြီဖြစ်ပါတယ်..။

ပျံလွန်တော်မူသွားတဲ့ ဟိုပုံးကိုရင်လေး(ရှင်ပေါရိဿ)ရဲ့ ရုပ်ကလာပ်တော်ကို မီးပူဇော်တဲ့ အန္တိမဈာပနကို ဒီကနေ့ စက်တင်ဘာ(၂)ရက်နေ့ ညနေ(၃)နာရီ (၁၅)မိနစ်အချိန်က ပြုလုပ်ခဲ့ကြတာ ဖြစ်ပါတယ်..။

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ လုံခုတ်ကျေးရွာအုပ်စု၊ ဟိုတိကျေးရွာရှိ ဟိုပုံးကိုရင်လေးကျောင်းမှ မီးပူဇော်ခဲ့တာ ဖြစ်တယ်လို့ သိရပါတယ်..။

ဟိုပုံးကိုရင်လေးကတော့ Covid-19 ရောဂါကူးစက်ခံရတာကြောင့် နေမကောင်းဖြစ်ပြီး စက်တင်ဘာလ(၁)ရက်နေ့ နံနက် (၁၁)နာရီ (၄၅)မိနစ်အချိန်က ဘဝနတ်ထံပျံလွန်တော်မူသွားတာ ဖြစ်ပါတယ်..။

ဟိုပုံးကိုရင်လေး ဘဝနတ်ထံပျံလွန်တော်မူသွားတဲ့အတွက် ပအိုဝ်းပြည်သူလူထုတစ်ရပ်လုံးက ဝမ်းနည်းစိတ်မကောင်း ဖြစ်နေကြပြီး မီးပူဇော်တဲ့ အန္တိမဈာပနအခမ်းအနားကိုလည်း လိုက်ပါပို့ဆောင်ခဲ့ကြပါတယ်..။

ဒီကနေ့မှာ ပြုလုပ်ကျင်းပခဲ့တဲ့ ဟိုပုံးကိုရင်လေးရဲ့အန္တိမဈာပန အခမ်းအနားပုံရိပ်မြင်ကွင်းတွေကိုလည်း ဗီဒီယိုဖိုင်လေးနဲ့အတူ ပရိသတ်တွေအတွက် တင်ဆက်မျှဝေပေးလိုက်ပါတယ်နော်..။