စက်တင်ဘာလထဲမှာ အသစ်ထွက်ရှိလာတော့မယ့် ဇာတ်ကားကောင်းလေးတွေများစွာရှိပါတယ်။ အချစ်ဒရမ်မာလေးတွေကို ကြိုက်နှစ်သက်ကြတဲ့သူတွေအတွက် ဒီလထဲမှာကြည့်ဖို့အတွက် ရွေးချယ်စရာအချစ်ဇာတ်လမ်းအသစ်လေးတွေနဲ့ မိတ်ဆက်ပေးချင်ပါတယ်။

No.1 "Dali and Cocky Prince"

ဒီဇာတ်လမ်းလေးက အနုပညာပြတိုက်တစ်ခုရဲ့ ဒါရိုက်တာဖြစ်လာတဲ့ Kim Dal Riဟာ ဘာသာစကား ၇မျိုးတတ်ကျွမ်းပြီး ထက်မြက်ပေမယ့် အိမ်မှုကိစ္စတွေတတ်မြောက်ဖို့အတွက် ကြိုးစားနေရသူဖြစ်ပါတယ် ။ မင်းသား Jin Jin Hak ကတော့ ငွေရှာတော်တဲ့သူတစ်ယောက်အနေနဲ့ သရုပ်ဆောင်ထားကာ သူတို့နှစ်ယောက်ကြားမှာ ဖြစ်ပေါ်လာမည့် အချစ်ဇာတ်လမ်းလေးအကြောင်းဖြစ်ပါတယ် ။ ဒီဒရမ်မာလေးကို စက်တင်ဘာ ၂၂ရက်နေ့မှာ KBS ကနေပြသသွားမှာဖြစ်ပါတယ်။

Photo credit-Twitter

No.2  "Yumi's Cells"

ဒီဇာတ်လမ်းလေးဟာ Webtoon ကိုအခြေခံကာရိုက်ကူးထားတဲ့ အချစ်ဒရမ်မာကားလေးဖြစ်ပြီး အသက် ၃၀ အရွယ်သာမန်ရုံးဝန်ထမ်း YuMi အကြောင်းကို ရိုက်ကူးထားတာပါ။ သူမရဲ့ ဦးနှောက်ဆဲလ်တွေက သူမရဲ့အတွေးတွေ၊ ခံစားချက်တွေကို ထိန်းချုပ်ထားတာလည်းဖြစ်ပါတယ်။ ဒီဇာတ်လမ်းလေးကို စက်တင်ဘာ ၁၇ရက်နေ့မှာ tvN ကနေထုတ်လွှင့်ပြသသွားမှာဖြစ်ပါတယ်။

Photo credit-Twitter

No.3 "Lost"

ဒီဇာတ်လမ်းဟာ ရပ်တည်ချက်လမ်းပျောက်သွားတဲ့အမျိုးသမီးတစ်ယောက်နဲ့ သူ့ရဲ့ဘ၀မှာဘာမှမဖြစ်လာမှာကို ကြောက်တဲ့ယောက်ျားတစ်ယောက်ကြားက ဖြစ်ပေါ်လာမယ့် အချစ်ဇာတ်လမ်းအကြောင်းကို ရိုက်ကူးထားတာဖြစ်ပါတယ်။ ဒီဇာတ်လမ်းကို စက်တင်ဘာ ၄ရက်နေ့မှာ JTBC ကနေထုတ်လွှင့်ပြသသွားမှာဖြစ်ပါတယ်။

Photo credit-Twitter

သတင်းအရင်းမြစ်: Twitter

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။