စက်တင်ဘာလရဲ့ပထမဆုံးနေ့မှာပဲ မိုးသည်းထန်စွာရွာသွန်းမှုကြောင့် တစ်မြို့လုံးရေကြီးသွားခဲ့တဲ့ ပြင်ဦးလွင်မြို့

လက်ရှိကာလဟာ မိုးအကုန်ဆောင်းအကူးဖြစ်တာကြောင့် မိုးသည်းထန်စွာရွာသွန်းမှုတွေရှိနေပြီး တစ်ချို့နေရာတွေမှာ ရေကြီးရေလျှံမှုတွေဖြစ်နေခဲ့ပါတယ်။ ဒီနေ့စက်တင်ဘာ (၁) ရက်နေ့မှာတော့ ချမ်းအေးလွန်းတဲ့ မေမြို့မှာ မိုးသည်းထန်စွာရွာသွန်းခဲ့ပြီး တစ်မြို့လုံးနီးပါး ရေကြီးရေလျှံမှုဖြစ်ပွားခဲ့ ပါတယ်။ ပြည်သူအားလုံးရဲ့အပူသောကတွေလည်း ရွာသွန်းနေတဲ့ မိုးစက်တွေနဲ့အတူပါသွားပြီး အရင်လိုအေးချမ်းနေ့ရက်တွေပြန်ရောက်လာခဲ့ရင် အားလုံးပျော်ရွှင်ရမှာပါ။

သည်းထန်စွာရွာသွန်းခဲ့တဲ့မိုးရေစက်တွေကြောင့် ရေတက်နေတဲ့တစ်ချို့နေရာတွေကို ပြင်ဦးလွင်မြို့က ပြည်သူတစ်ဦးက ဗီဒီယိုမှတ်တမ်းယူပြီး လူမှုကွန်ယက်မှာ ဝေမျှခဲ့ပါတယ်။ နေရာအနှံ့မှာဖွေးဖွေးလှုပ်နေတဲ့ ရေပြင်ကြီးဟာ သည်းထန်လွန်းတဲ့မိုးစက်တွေရဲ့သက်သေပါပဲ။ မြို့ပေါ်မှာတောင် ဒီလောက်ရေတွေ တက်နေရင် တောထဲက PDF လူငယ်လေးတွေအတွက်တော့ ပိုပြီးခက်ခဲမယ်ဆိုတာ အသေအချာပါပဲ။ တစ်ချို့နေရာတွေမှာလည်း နေအိမ်အပေါ်ထိ ရေတက်နေခဲ့တယ်လို့လည်း မှတ်ချက်ရေးသားခဲ့ကြပါတယ်။

မကြာခင်မှာ မိုးလေကင်းလွတ်တဲ့သီတင်းကျွတ်ပွဲတော်ကိုရောက်ရှိတော့မှာဖြစ်ပြီး ပြည်သူတွေရဲ့ အပျော်တွေလည်း မဝေးတော့တဲ့နေ့ရက်တွေမှာ ရောက်ရှိလာနိုင်ဖို့ အားလုံးကမျှော်လင့်နေကြပါတယ်။ သည်းထန်လွန်းတဲ့မိုးရွာသွန်းမှုကြောင့် တစ်မြို့လုံးနီးပါး ရေတက်နေတဲ့ ပြင်ဦးလွင်မြို့ရဲ့မှတ်တမ်းဗီဒီယိုကို ပရိသတ်ကြီးလည်း ထပ်တူမြင်တွေ့ရအောင် ပြန်လည်တင်ဆက်ပေးလိုက်ပါတယ်။

သတင်း အရင်းအမြစ်៖ Pyae Phyo Kyaw 's FB Acc