CDMလှုပ်ရှားမှုမှာ ပါဝင်ခဲ့တဲ့ နိုင်ငံ့ဝန်ထမ်းတွေ များစွာရှိနေခဲ့ပြီး ဗိုလ်ကြီးမင်းမောင်မောင်ဟာလည်း CDMလှုပ်ရှားမှုမှာ ပါဝင်ထားသူ တစ်ယောက်ပဲဖြစ်ပါတယ်။ ပထမတန်းခွဲစိတ်ပါရဂူတစ်ယောက်ဖြစ်တဲ့ CDMဗိုလ်ကြီးမင်းမောင်မောင်ဟာ အစောပိုင်းကာလတွေထဲက ပြည်သူတွေဘက်ကနေ ရပ်တည်ခဲ့သူတစ်ယောက်ပဲ ဖြစ်ပါတယ်။ဗိုလ်ကြီးမင်းမောင်မောင်ကတော့ နွေဦးတော်လှန်ရေးအောင်မြင်ဖို့အတွက် အားသွန်ခွန်စိုက်နဲ့ ကြိုးစားနေသူတစ်ယောက်ဖြစ်ပြီး ပြည်သူတွေစိတ်ခွန်အားဖြစ်စေမယ့် စာတွေကိုလည်း ရေးသားလေ့ရှိပါတယ်။
ယခုမှာတော့ CDMဗိုလ်ကြီးမင်းမောင်မောင်ဟာ ပြောက်ကျားတော်လှန်ရေးကာလမှာ ပြုလုပ်သင့်တဲ့ အရာတွေနဲ့ ပြည်သူတွေ ရှောင်ရှားရမယ့်အချက်တွေကို စေတနာထားပြီး ပြောပြပေးလာခဲ့ပါတယ်။ ဗိုလ်ကြီးမင်းမောင်မောင်ကတော့ ဒီလိုအချိန်ကာလဟာ အချင်းချင်းအပြစ်တင်ရမယ့် အချိန်မဟုတ်ဘဲ ချစ်ခင်စည်းလုံးရမယ့်အချိန်ဖြစ်ကြောင်း၊ အကူအညီလိုတဲ့ PDFတပ်ဖွဲ့ဝင်တွေကို တတ်နိုင်သလောက် ကူညီလှူဒါန်းပေးသင့်ကြောင်း၊ရန်သူကို သတင်းပေးသလို ဖြစ်သွားစေနိုင်တဲ့ သတင်းတွေကို လူမှုကွန်ယက်ထက် မတင်သင့်ဘဲ ဆင်ခြင်သင့်ကြောင်း ဖွင့်ဟထားခဲ့ပါတယ်။
ရန်သူရဲ့ သတင်းအချက်အလက်တွေကို လူမှုကွန်ယက်ထက် တင်ပေးသင့်ကြောင်း၊ ဆဲစရာရှိတဲ့ ကိစ္စတွေကို ဆဲလို့ရပေမယ့် အချင်းချင်းတော့ စည်းလုံးစေချင်ကြောင်း၊ ပုန်းရမယ့် ကိစ္စတွေရှိလာရင်တော့ ရန်သူနဲ့ ထိပ်တိုက်မရင်ဆိုင်ဘဲ ပုန်းစေချင်ကြောင်း ဗိုလ်ကြီးက ပြောဆိုထားတာပဲဖြစ်ပါတယ်။ဗိုလ်ကြီးမင်းမောင်မောင်ကတော့ သွားနေတာက ပြောက်ကျား တော်လှန်ရေးဖြစ်တာကြောင့် ခြေသံလုံဖို့လိုကြောင်း၊ ရန်သူကို အမြဲလှည့်စားဖို့လိုကြောင်း၊ ရန်သူအင်အားများနေချိန် မတိုက်ဘဲ ရှောင်ရှားဖို့ လိုကြောင်း ဖွင့်ဟထားခဲ့တာပဲဖြစ်ပါတယ်။
Source: Original Uploder