ပီရူးနိုင်ငံရဲ့ အကြီးဆုံးသစ်တော ဖြစ်တဲ့ အမေဇုန်ဒေသမှာ ပြီးခဲ့တဲ့ သြဂုတ်လ ၂၉ ရက်နေ့က မြစ်တွင်းစီး လှေတစ်စီးနဲ့ ကုန်တင်သင်္ဘာတို့ တိုက်မိခဲ့တယ်လို့ သိရပါတယ်။
ဒီဖြစ်ရပ်ကတော့ မြူတွေ သိပ်သိပ်သည်းသည်းကျနေတဲ့ မနက် အရုဏ်တက်အချိန်မှာ ယူရိမာဂုအတ်စ်မြို့နားက ဟွယ်လာဂါမြစ်ထဲမှာဖြစ်ပွားခဲ့တာပဲဖြစ်ပါတယ်။
ခရီသည်တွေအပြည့်တင်ထားတဲ့ လှေက ကုန်စည်တွေ တင်လာတဲ့ ဆွဲသင်္ဘောကို ဝင်တိုက်ခဲ့တာဖြစ်ပြီး ဒီဖြစ်ရပ်ကြောင့် သေဆုံးသူအနေနဲ့ ၂၀ ဦးထက်မနည်းရှိတယ်လို့ ကနဦးသတင်းတွေအရသိရပါတယ်။ ဒါ့အပြင် အခင်းဖြစ်ပွားရာနေရာမှာရှိတဲ့ လူအယောက် ၅၀ ကျော်ကလည်း ပျောက်ဆုံးနေသေးတာကြောင့် သေဆုံးသူဦးရေဟာ ထပ်တိုးလာနိုင်ဖွယ်ရှိပါတယ်။
ကယ်ဆယ်ရေးလုပ်သားတွေဟာ ပျောက်ဆုံးနေသူတွေကို နေ့ဘက်ရောညဘက်ရော ရှာဖွေခဲ့ကြပြီး တစ်ချို့တစ်ဝက်ကို တွေ့ရှိကယ်ဆယ်နိုင်ခဲ့တယ်လို့သိရပါတယ်။
အခင်းဖြစ်ပွားရာနေ့က ဒေသခံမီဒီယာတွေရဲ့ ဖော်ပြချက်ထဲမှာဆိုရင်လည်း ကယ်ဆယ်ရေးလုပ်သားတွေသယ်လာတဲ့ အလောင်းပုံတွေကိုလည်းတွေ့ရသလို မြစ်ကမ်းနဘေးမှာ ငိုကြွေးနေတဲ့ မိသားစုဝင်တွေနဲ့ အသက်ရှင်ကျန်ရစ်သူတွေကိုလည်း တွေ့ရပါတယ်။
သတင်း အရင်းအမြစ်៖ Reuters