ပြည်ပမကြီးကပြည်သူတွေဟာ တိုင်းရင်းသားဒေသတွေမှာ နှိပ်စက်ခံနေရတာကို မသိကြသူတွေ များပါတယ်။ လက်ရှိအရေးအခင်းမှသာ ကိုယ်တိုင်ကြုံတွေ့ခဲ့ရပြီး အာဏာရှင်ရဲ့ရက်စက်မှုတွေကို မျက်ဝါးထင်ထင်မြင်တွေ့ခဲ့ရတာပါ။ ဒီလိုအဖြစ်ဆိုးတွေကို တိုင်းရင်းသားတွေဟာ ဆယ်စုနှစ်များစွာ ခံစားခဲ့ရတာပါ။ ဒီအဖြစ်အပျက်တွေ မသိခဲ့ကြတဲ့ ပြည်မကြီးကပြည်သူတွေဟာ ကိုယ်တိုင်ကြုံတွေ့ရတဲ့ အချိန်မှာတော့ အရမ်းကိုသွေးပျက်ခဲ့ပြီး တိုင်းရင်းသားတွေကို ဝန်ချတောင်းပန်ကာ တောင်ပေါ်မြေပြန့် ကြားမှာ စည်းလုံးမှုတွေ ပိုပြီးတိုးလာခဲ့ပါတယ်။
အာဏာသိမ်းမှုဖြစ်စဉ်မှာ ပြည်သူ့ဘက်တော်သားဖြစ်လာခဲ့တဲ့ ဗိုလ်ကြီးလင်းထက်အောင်ဟာ တိုင်းရင်းသားတွေ နှိပ်စက်ခံခဲ့ရတဲ့အကြောင်းကို သူ့ရဲ့လူမှုကွန်ယက်ကနေတဆင့် ပြောပြလာခဲ့ပါတယ်။ အာဏာရှင်ဟာ ယခင်ကတည်းကလည်းမကောင်းခဲ့သလို တိုးတက်စပြုလာတဲ့ (၂၀၁၀) ခုနှစ် နောက်ပိုင်းမှာလည်း တိုင်းရင်းသားတွေအပေါ် မကောင်းခဲ့ကြောင်းပြောပြလာခဲ့ပါတယ်။ အာဏာရှင်ကို ထောက်ခံသူတစ်ချို့သာ မျက်နှာသာပေးခံရတဲ့အခြေအနေတွေရှိခဲ့တယ်လို့လည်းဆိုပါတယ်။
အခုအရေးတော်ပုံဟာ အာဏာရှင်ကိုသာမက စနစ်ဆိုးတွေအားလုံးကို အပြီးအပြတ် တိုက်ထုတ်ရမယ့် အချိန်ဖြစ်ကြောင်းလည်းပြောခဲ့ပါသေးတယ်။ အမှန်တရားဖက်က ရပ်တည်မယ့် ဓမ္မဘက်တော်သားတွေကို ကြိုဆိုကြောင်းနဲ့ မတရားမှုကိုအားပေးကြသူတွေလည်း ပြတ်သားတဲ့စကားလုံးတွေနဲ့ အထိနာအောင် ပြောခဲ့ပါသေးတယ်။
သတင်း အရင်းအမြစ်៖ Lin Htet Aung's FB Acc