ပြည်သူ့တပ်သားတွေဟာ ပြည်သူတွေရဲ့ချစ်ခြင်းမေတ္တာကို အပြည့်အဝရထားတယ်ဆိုတာ PDF တပ်သားလေးတစ်ယောက်က သက်သေပြခဲ့ပါပြီ။ ဒုက္ခတွေများတဲ့တောထဲမှာ စားသောက်ရေးအဆင်မပြေ တာကြောင့် ရဲဘော်တွေစားချင်တဲ့ ဒံပေါက်ကို Online ပေါ်က မှာယူခဲ့ပါတယ်။ ငွေမရှင်းခင်မှာပဲ ပြည်သူတစ်ယောက်က ရဲဘော်လေးတွေစားချင်တဲ့ ဒံပေါက်ဖိုးကို ဝင်ရှင်းပေးသွားခဲ့ပြီး သူ့ရဲ့စေတနာကို ပြသခဲ့ပါတယ်။ ဒီဖြစ်ရပ်လေးကြောင့် ဝမ်းသာပီတိဖြစ်မိကြောင်းကို PDF ရဲဘော်တစ်ယောက်က သူ့ရဲ့လူမှုကွန်ယက်မှာ ဝေမျှလာခဲ့ပါတယ်။
ယခင်ရက်တွေက တောထဲက အသီးအရွက်တွေ ချောင်းထဲက ငါးလေးတွေရှာပြီး ဝမ်းရေးဖြေရှင်းခဲ့သလို ဘာမှရှာမရတဲ့အချိန်မှာလည်း မျှစ်တွေချိုးပြီး ဖြစ်သလို စားခဲ့ကြရပါတယ်။ ဒီလိုပင်ပန်းမှုတွေကို ရင်ဆိုင်ပြီး ပြည်သူ့အောင်ပွဲအတွက် ကြိုးစားနေတဲ့ သူ့ရဲ့ရဲဘော်တွေကို ကောင်းကောင်းစားစေချင်တဲ့စိတ်နဲ့ အခုလိုကျွေးခဲ့တာဖြစ်ပေမယ့် စေတနာရှင်တစ်ယောက်ရဲ့ ဒါနဟာ မစားရခင်မှာပဲ ပီတိတွေနဲ့ ဗိုက်ပြည့်သွားခဲ့မှာပါ။
PDF တပ်သားလေးကတော့ အခုလိုစေတနာနဲ့ကျွေးမွေးတဲ့ အလှူရှင်ကိုကျေးဇူးတင်ကြောင်းနဲ့ အားလုံးရဲ့ မေတ္တာကို ရင်ထဲမှာသိမ်းထားကြောင်းပြောပြခဲ့ပါသေးတယ်။ အရေးတော်ပုံကြီး ပြီးသွားတဲ့အချိန်မှာ အားလုံးနဲ့ပြန်ဆုံပြီး အမှတ်တရတွေကိုပြောပြချင်သေးတယ်လို့လည်း ပြောခဲ့ပါသေးတယ်။ တိုက်ပွဲတိုင်းမှာ အောင်နိုင်ပြီး ဘေးရန်ကင်းစွာနဲ့ ချစ်ခင်သူတွေဆီကို ပြန်လာနိုင်ပါစေလို့ ဆုတောင်းပေးပါတယ်။
သတင်း အရင်းအမြစ်៖ ဗိုလ်နဂါး's Fb Acc
Bong I.T