အိန္ဒိယနိုင်ငံ မီဇိုးရမ်ပြည်နယ်ရောက် မြန်မာစစ်ဘေးရှောင်ပြည်သူတွေနဲ့ ကလေးမြို့ ကိုဗစ်လူနာတွေအတွက် မီဇိုးရမ်ပြည်သူတွေက အကူအညီပေးခဲ့တယ်လို့ ကြားသိရပါတယ်။ မီဇိုးရမ်ပြည်နယ်ဟာ ချင်းပြည်နယ် နယ်စပ်နားမှာရှိတဲ့ အိန္ဒိယနိုင်ငံအတွင်းက ပြည်နယ်တစ်ခုဖြစ်ပြီး နိုင်ငံရေးလှုပ်ရှားမှုတွေမှာ ပါဝင်ကြတဲ့ မြန်မာပြည်သူတွေနဲ့ တိုက်ပွဲကြောင့် စစ်ရှောင်ပြည်သူတွေ အများအပြားကို ခိုလှုံခွင့်ပေးထားတာ ဖြစ်ပါတယ်။  မီဇိုးရမ်ပြည်နယ်က ပြည်သူတွေအများစုကတော့ ခရစ်ယာန်ဘာသာကို ကိုးကွယ်ကြတယ်လို့လည်း သိရပါတယ်။

PhotoCredit - S Hu Lian
PhotoCredit - S Hu Lian

မီဇိုးရမ်ပြည်သူတွေဟာ မြန်မာနိုင်ငံက ထွက်ပြေးလာတဲ့ ပြည်သူတွေကို ခိုလှုံခွင့်ပေးထားတဲ့အပြင် ကျန်းမာရေးစောင့်ရှောက်မှုများပေးခြင်းနဲ့ လိုအပ်တဲ့ အသုံးအဆောင်ပစ္စည်းများ၊ စားသောက်စရာတွေကိုလည်း ကူညီလှူဒါန်းပေးကြတယ်လို့ သိရပါတယ်။ ဒါ့အပြင် ပြီးခဲ့တဲ့ရက်ပိုင်းက ကလေးမြို့ကိုလည်း ကိုဗစ်လူနာတွေအတွက် အောက်ဆီဂျင်စက်တွေနဲ့ အလှူငွေတွေကိုလည်း နာကူအသင်းတွေကို လှူဒါန်းပေးခဲ့တယ်လို့လည်း သိရပါတယ်။

PhotoCredit - S Hu Lian
PhotoCredit - S Hu Lian

ယခုမှာလည်း မီဇိုးရမ်ပြည်သူတွေက မြန်မာစစ်ရှောင်ပြည်သူတွေကို ထပ်မံကူညီလှူဒါန်းပေးလာခဲ့ပါတယ်။ ဒါကတော့ မြန်မာစစ်ရှောင်ပြည်သူတွေကို လိုအပ်တဲ့ မွှေ့ယာ၊ စောင်၊ အဝတ်အစား၊ဆေးဝါး၊ ကလေးကစားစရာများအပြင် စားသောက်စရာအတွက် ဟင်းအမျိုးမျိုးကို ပေးအပ်လှူဒါန်းပေးခဲ့တာ ဖြစ်ပါတယ်။ အခက်အခဲဖြစ်နေတဲ့ မြန်မာပြည်သူပြည်သားတွေအတွက် ကူညီပေးကြတဲ့ အိန္ဒိယနိုင်ငံက မီဇိုးရမ်ပြည်သူတွေကို ပရိသတ်တွေကလည်း ဆုမွန်ကောင်းတွေ တောင်းပေးလိုက်ပါဦးနော်....။

PhotoCredit - S Hu Lian

သတင်းအရင်းမြစ်: Source - Zalen fb page



"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။