လမ်းဘေးဇရပ်မှာ စွန့်ပစ်သွားခဲ့တာကိုသိပေမယ့်လည်း မိုးချုပ်ရင်ပြန်လာခေါ်မယ်ဆိုတဲ့စကားလေးကို ယုံကြည်ပြီး စောင့်နေရှာတဲ့ အဘွားတစ်ဦး

လက်ရှိမှာတော့ နိုင်ငံရေးအခြေအနေလည်းမတည်ငြိမ်သေးတဲ့အပြင် ကိုဗစ်ကူးစက်ရောဂါကြောင့်လည်း ပြည်သူတွေက အခက်အခဲမျိုးစုံကို ရင်ဆိုင်နေရတာဖြစ်ပါတယ်။ဒါ့ကြောင့် ပြည်သူတွေအနေနဲ့ စီးပွါးရေးလည်း ကျပ်တည်းနေပြီး စားဝတ်နေရေးအတွက်တောင် ကြိုးစားရုန်းကန်နေရတာဖြစ်ပါတယ်။အခုဆိုရင်တော့ အိမ်တစ်အိမ်ကအဘွားအိုတစ်ဦးကို ပဲခူးမြို့၊သာယာအေးကျေးရွာဇရပ်မှာ လာရောက်စွန့်ပစ်သွားတဲ့ ဖြစ်ရပ်တစ်ခုဖြစ်ပွါးခဲ့ပါတယ်။

အဘွားကို အမျိုးသားတစ်ဦးက ပွေ့ချီပြီး အမျိုးသမီးက စားစရာ၊အဝတ်အထည်ထည့်ထားသောခြင်းကို သယ်ယူကာ ညနေ(၄)နာရီဝန်းကျင်ခန့်က လာရောက်ပစ်သွားတာကို အနီးနားဝန်းကျင်က ဦးလေးတစ်ယောက် တွေ့မြင်ခဲ့တယ်လို့ သိရပါတယ်။အဘွားခမျာ သူ့ကိုစွန့်ပစ်တာကို သိပေမယ့်လည်း မိုးချုပ်ရင်ပြန်လာခေါ်မယ်ဆိုတဲ့စကားကိုယုံကြည်ပြီး စောင့်နေရှာတာဖြစ်ပါတယ်။အဘွားကို တွေ့မြင်သွားတဲ့ပြည်သူတချို့က မေးမြန်းကြတော့ မျက်ရည်လေးတွေဝဲပြီး ဝမ်းနည်းနေခဲ့တာဖြစ်ပါတယ်။

ဒီသတင်းကိုကြားသိသွားတဲ့ အင်းတကော် CBFQC အဖွဲ့သားများက အဘွားကို သွားရောက်ခေါ်ဆောင်ခဲ့တာဖြစ်ပါတယ်။အဘွားအတွက်လည်း နေရာထိုင်ခင်းကို စနစ်တကျစီစဉ်ပေးတဲ့အပြင် အာဟာရရှိမယ့်အစားအသောက်လေးတွေကို ကျွေးမွေးခဲ့တာဖြစ်ပါတယ်။အခုချိန်မှာတော့ အဘွားလည်း သူတော်ကောင်းပြည်သူတွေနဲ့တွေ့ခဲ့လို့လုံခြုံစိတ်ချရတဲ့နေရာမှာနေထိုင်နေပြီဖြစ်ပါတယ်။အခုလိုအခြေအနေမျိုးမှာ မေတ္တာတရားကင်းမဲ့စွာနဲ့ အဘွားကိုစွန့်ပစ်သွားတဲ့ဖြစ်ရပ်လေးကို စိတ်မကောင်းစွာနဲ့ပြန်လည်မျှဝေပေးလိုက်ပါတယ်။

Source&Photo Credit:Original Uploader