ကယားပြည်နယ်အတွင်းမှာ ဖြစ်ပွားနေတဲ့တိုက်ပွဲတွေကြောင့် အခုချိန်အထိတိုင်အောင် စစ်ဘေးရှောင်နေရတဲ့ ပြည်သူတွေ အများအပြားရှိနေဆဲ ဖြစ်ပါတယ် ။ ပြီးခဲ့တဲ့ ဇူလိုင်လ (၁၈) ရက်နေ့ကလည်း ကယားပြည်နယ်၊ ဘောလခဲမြို့နယ်ရှိ နန်းဖဲကျေးရွာအနီးမှာ အာဏာသိမ်းလက်နက်ကိုင်အဖွဲ့နဲ့ KNA၊ KNDF တို့အကြား တိုက်ပွဲတွေ ဖြစ်ပွားခဲ့တာ ဖြစ်ပါတယ် ။ ဒီတိုက်ပွဲကြောင့် နန်းဖဲကျေးရွာနဲ့ ကလိလျားရွာတွေမှာနေထိုင်ကြတဲ့ ပြည်သူတွေခမျာ တောထဲတောင်ထဲကို ထွက်ပြေးတိမ်းရှောင်ခဲ့ရတာလည်း ဖြစ်ပါတယ် ။

Photo Credit-Naw Ka Paw Htoo's FB Acc
Photo Credit-Naw Ka Paw Htoo's FB Acc

အသက်လုပြီး စစ်ဘေးရှောင်နေရတဲ့ပြည်သူတွေထဲမှာ ကလေးငယ်တွေနဲ့ သက်ကြီးရွယ်အိုတွေလည်း ပါဝင်နေတာဖြစ်ပါတယ်။ အခုလည်း စစ်ဘေးရှောင်ပြည်သူတစ်ဦးက တောထဲတောင်ထဲမှာ ခက်ခက်ခဲခဲသွားလာရတဲ့ အခြေအနေတွေကို ဗီဒီယိုရိုက်ပြီး မျှဝေခဲ့တာ ဖြစ်ပါတယ် ။ ဗီဒီယိုထဲမှာတော့ လူငယ်နှစ်ယောက်က မျက်စိမမြင်၊နားမကြားတော့တဲ့ အဘွားအိုတစ်ဦးကိုထမ်းပြီး နီးစပ်ရာတဲကို ပို့ပေးနေကြတာ ဖြစ်ပါတယ် ။

Photo Credit-Naw Ka Paw Htoo's FB Acc
Photo Credit-Naw Ka Paw Htoo's FB Acc

အဲ့ဒီလူငယ်လေးတွေက ကြမ်းတမ်းတဲ့တောလမ်းခရီးတွေကို ဖြတ်ကျော်ပြီး အဘွားအိုကို ဘေးကင်းတဲ့နေရာဆီ ရွှေ့ပြောင်းပေးခဲ့တာပဲ ဖြစ်ပါတယ်။ ဒုက္ခရောက်နေချိန်မှာ ပြည်သူအချင်းချင်း ရိုင်းပင်းကူညီတတ်ကြတဲ့ ဒီလူငယ်တွေရဲ့လုပ်ရပ်ကလည်း လေးစားချီးကျူးချင်စရာကောင်းနေတာပဲ ဖြစ်ပါတယ် ။ မျက်စိမမြင်၊နားမကြားတော့တဲ့ စစ်ဘေးရှောင်အဘွားအိုတစ်ဦးကိုထမ်းပြီး ကူညီခဲ့တဲ့ လူငယ်လေးတွေရဲ့ဗီဒီယိုဖိုင်ကို ပြန်လည်ဖော်ပြပေးလိုက်ပါတယ်။

Source & Video Credit-Naw Ka Paw Htoo's FB Acc

Photo Credit-Naw Ka Paw Htoo's FB Acc
Photo Credit-Naw Ka Paw Htoo's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။