လက်ရှိမှာတော့ မြန်မာနိုင်ငံအတွင်းမှာနေထိုင်ကြတဲ့ ပြည်သူတွေလည်း အကြောင်းအမျိုးမျိုးကြောင့် ဒုက္ခအကြပ်အတည်းတွေကို ရင်ဆိုင်နေရတာဖြစ်ပါတယ်။ပြည်သူတွေက အချင်းချင်းဖေးမကူညီကြပြီး အခက်အခဲတွေကိုလည်း မျှဝေခံစားပေးနေကြတာဖြစ်ပါတယ်။လက်ရှိမှာ အစ္စလာမ်ဘာသာဝင် ညီအစ်ကိုမောင်နှမတွေကလည်းပြည်သူတွေကို တစ်ထောင့်တစ်နေရာကနေ ကူညီပေးနေကြတာဖြစ်ပါတယ်။အစ္စလာမ်ဘာသာဝင်တွေကလည်းကုသိုလ်ရေးဆိုလက်မနှေးတတ်ဘဲ စိတ်ထားပြည့်ဝကြပါတယ်။
အောက်ဆီဂျင်ပြတ်လပ်မှုနဲ့ကြုံတွေ့နေရတဲ့ ကိုဗစ်လူနာတွေအတွက်လည်း နွယ်အေးဗလီက တတ်နိုင်သလောက်ကူညီပေးနေတာဖြစ်ပါတယ်။အစ္စလာမ်ဘာသာဝင်တွေက တစ်မြေတည်းနေ၊တစ်ရေတည်းသောက်တဲ့ ပြည်သူတွေရဲ့ ဝမ်းရေးကိုလည်း နေ့မနား၊ညမနား ကူညီဖြည့်ဆည်းပေးခဲ့ကြတာဖြစ်ပါတယ်။ကိုဗစ် ပထမလှိုင်း၊ဒုတိယလှိုင်းကတည်းက ကူညီပေးခဲ့တဲ့ အစ္စလာမ်ဘာသာဝင် ညီအစ်ကိုမောင်နှမတွေက တတိယလှိုင်းမှာလည်း ပြည်သူတွေအတွက် အဆင်သင့်ရှိပေးခဲ့ကြပါတယ်။
နွယ်အေးဗလီကလည်း ကိုဗစ်လူနာတွေရဲ့ အသက်ကိုကယ်တင်ပေးဖို့အတွက် စေတနာ၊မေတ္တာတရားအပြည့်နဲ့အောက်ဆီဂျင်တွေကို လှူဒါန်းပေးတာဖြစ်ပါတယ်။ဒီလိုအချိန်မှာ ပြည်သူတွေအားလုံးက တညီတညွှတ်တည်းရှိကြပြီး ဘာသာရေးလည်းမခွဲခြားဘဲ အရေးကြုံလာရင်ကူညီပေးကြတာဖြစ်ပါတယ်။ဒါ့ကြောင့် ကိုယ်ချင်းစာစိတ်ထားပြီး ပြည်သူတွေကို တစ်တပ်တစ်အား ကူညီပေးနေတဲ့ နွယ်အေးဗလီရဲ့ပုံရိပ်တွေကို ကျေးဇူးတင်စွာနဲ့ ပြန်လည်မျှဝေပေးလိုက်ပါတယ်။
Source&Photo Credit: Original Uploder