တတိယလှိုင်းအဖြစ် လက်ရှိမြန်မာပြည်မှာ ပြန့်ပွားကူးစက်နေတဲ့ Covid 19 ရောဂါဆိုးကြီးရဲ့ ဖိစီးနှိပ်စက်မှုဒဏ်တွေကို ပြည်သူတွေမှာ အလူးအလဲ ခံစားနေကြရပါတယ်..။
နိုင်ငံနဲ့တဝှမ်းဖြစ်ပွားနေတဲ့ ကိုဗစ်ရောဂါနဲ့ပတ်သက်ပြီး အောက်ဆီဂျင်ပြတ်လပ်မှုတွေအပြင် ဆေးရုံတွေကလည်း လက်ခံကုသမှုမပေးနိုင်တာတွေကြောင့် အများအပြားကတော့ နေအိမ်တွေမှာ သေဆုံးနေကြရတာပါ..။
အသက်ရှုလမ်းကြောင်းဆိုင်ရာ ကိုဗစ်ရောဂါဆိုးကြောင့် အခုတစ်ခါမှာလည်း ပြည်သူတစ်ဦး လမ်းသွားရင်း အသက်ရှုကြပ်ကာ လဲကျနေခဲ့တဲ့အတွက် ပရဟိတလူမှုကယ်ဆယ်ရေးအသင်းက ကူညီပေးခဲ့ရတာ တွေ့ရပါတယ်..။
အမျိုးသမီးတစ်ဦးဟာ ဇူလိုင်လ(၁၇)ရက်နေ့ နေ့လည်(၁)နာရီကျော် အချိန်လောက်မှာ လမ်းသွားရင်း အသက်ရှုကြပ်လွန်းလို့ မြေကြီးပေါ်လူးလိမ့်ကာ ဝေဒနာကိုအလူးအလဲခံစားနေရရှာတာ ဖြစ်ပါတယ်..။
အဆိုပါလူနာအမျိုးသမီးကို အမရပူရမြို့ ရွှေတမာမေတ္တာ၊ အမရမေတ္တာ သဘာဝဘေးအန္တရာယ် ကူညီကယ်ဆယ်ရေးပရဟိတအသင်းက မန္တလေးပြည်သူ့ဆေးရုံကြီးသို့ ပို့ဆောင်ပေးခဲ့တာ ဖြစ်ပါတယ်..။
အခုလိုအချိန်မှာ လူနာတွေကို ထိတွေ့ကိုင်တွယ်ပြီး အစစအရာရာကူညီလုပ်ဆောင်ပေးနေကြတဲ့ စေတနာရှင်ပရဟိတအသင်းသားတွေကိုလည်း ပြည်သူတွေက ကျေးဇူးတင် လေးစားချီးကျူးနေကြရတာလည်း ဖြစ်ပါတယ်..။
သတင်း အရင်းအမြစ်៖ Hninpwintletyar's Fb Acc