၁၉၈၉ခုနှစ်၊ဇူလိုင်လ (၁၉)ရက်နေ့မှာ ခင်ပွန်းသည်ဗိုလ်ချုပ်ကို သမီးငယ်၊မြေးတို့နဲ့အတူ နောက်ဆုံးဂါရဝလာပြုခဲ့တဲ့ ဒေါ်ခင်ကြည်ရဲ့ပုံရိပ်

ယနေ့ ဇူလိုင်လ (၁၉)ရက်နေ့ကတော့ (၇၄)နှစ်မြောက်အာဇာနည်နေ့ပဲဖြစ်ပါတယ်။မြန်မာပြည်သူ၊ပြည်သားတွေကလည်း နှစ်တွေကြာညောင်းသွားပေမယ့် လွတ်လပ်ရေးဖခင်ကြီးဖြစ်တဲ့ ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်ကြီးတွေကို ဘယ်တော့မှမမေ့ကြတာဖြစ်ပါတယ်။ဒီနေ့မှာဆိုရင်လည်း (၇၄)နှစ်မြောက်အာဇာနည်နေ့ဖြစ်လို့ ပြည်သူတွေက ဝမ်းနည်းခြင်းအထိမ်းအမှတ်အနေနဲ့  နံနက်(၁၀:၃၇)မှာ အိမ်ရှေ့ထွက်အလေးပြုကြပြီး လမ်းပေါ်ရောက်နေကြတဲ့ ကား၊ဆိုင်ကယ်တို့ကလည်း ဟွန်းတီးကြတာဖြစ်ပါတယ်။

ဇူလိုင်လ (၁၉)ရက်၊၁၉၄၇ ခုနှစ် နှစ်ဝက်ကျိုးတဲ့အချိန်မှာတော့ ဗိုလ်ချုပ်ကြိုးပမ်းဆောင်ရွက်နေတဲ့ လွတ်လပ်ရေးကို ရရှိတော့မယ့် အခြေအနေကိုရောက်လာခဲ့ပါတယ်။ဒါ့ကြောင့် ဗိုလ်ချုပ်က သူ့ရဲ့ဝန်ကြီးအဖွဲ့နဲ့ မြန်မာနိုင်ငံအတွက် တိုင်ပင်ဆွေးနွေးနေခဲ့တာဖြစ်ပါတယ်။အဲ့ဒီလို အစည်းအဝေးပြုလုပ်နေချိန်မှာပဲ ဗိုလ်ချုပ်အောင်ဆန်းနဲ့အတူ သခင်မြ၊ဦးဘဝင်း၊ဒီးဒုတ်ဦးဘချို၊မိုင်းပွန်စော်ဘွားကြီးစဝ်စံထွန်း၊ဦးရာဇာတ်၊မန်းဘခိုင်၊ဦးအုန်းမောင်၊ရဲဘော်ကိုထွေးတို့ ၁၉၄၇ခုနှစ်၊ဇူလိုင်လ(၁၉)ရက်၊၁၀နာရီ ၃၇မိနစ်တွင် လုပ်ကြံသတ်ဖြတ်ခံလိုက်ရတာဖြစ်ပါတယ်။

အာဇာနည်ကိုးဦး လုပ်ကြံခံရပြီးနောက် ၁၉၄၈ခုနှစ်၊ဇန်နဝါရီ(၄)ရက်နေ့မှာတော့ ဘုရင်ခံချုပ် ဆာဟူးဘတ်ရန့်ကမြန်မာပြည်ကို လွတ်လပ်ရေးပေးခဲ့တာဖြစ်ပါတယ်။အာဇာနည်ကိုးဦးရဲ့စျာပနကိုလည်း ပြည်သူတွေအကုန်လုံးကလိုက်ပါပို့ဆောင်ပေးပြီး ဝမ်းနည်းနေခဲ့ကြတာဖြစ်ပါတယ်။ဗိုလ်ချုပ်အောင်ဆန်းရဲ့ဇနီး ဒေါ်ခင်ကြည်က သမီးငယ်အောင်ဆန်းစုကြည်ကို ချီပြီး ခင်ပွန်းရဲ့နောက်ဆုံးခရီးကိုပို့ဆောင်ပေးခဲ့တာဖြစ်ပါတယ်။ဒေါ်ခင်ကြည်က ၁၉၈၉ခုနှစ်၊ဇူလိုင်လ (၁၉)ရက်နေ့မှာ ခင်ပွန်းသည်ကို နောက်ဆုံးဂါရဝပြုခဲ့တာဖြစ်ပါတယ်။(၇၄)နှစ်မြောက် အာဇာနည်နေ့ကို အလေးပြုရင်း ဗိုလ်ချုပ်ရဲ့ဓာတ်ပုံလေးတွေကို ပြန်လည်မျှဝေပေးလိုက်ပါတယ်။

Photo From Google