တိမ်မဟုတ်တဲ့ အငွေ့များက နေအိမ်အမိုးနားတွေဆီထိ ရောက်လာခဲ့လို့ ထိတ်လန့်ပြီး ဗီဒီယို ရိုက်ယူထားခဲ့တဲ့ ပြည်သူတစ်ဦး

လက်ရှိ မြန်မာနိုင်ငံက ပြည်သူတွေကတော့ ပြန်လည်​ကူးစက်လာခဲ့တဲ့ ကိုဗစ်ရောဂါကို ဆိုးဆိုးရွားရွားခံစားနေရသလို အာဏာရှင်တွေရဲ့ လက်အောက်မှာလည်း ကြောက်ရွံ့မှုတွေနဲ့ နေထိုင်နေရတဲ့ အခြေအနေတစ်ခုကို ကြုံတွေ့နေရရှာပါတယ်။ ဒီလိုကြုံတွေ့နေရတဲ့ အခြေအနေမျိုးမှာ ဇူလိုင်လ(၁၇)ရက်နေ့ ညပိုင်းအချိန်တုန်းကလည်း ရန်ကုန်မြို့နေ ပြည်သူတွေ အများအပြားဟာ စိုးရိမ်ထိတ်လန့်မှုတစ်ခုဖြစ်ပွားခဲ့တာကို ကြားသိခဲ့ရပါတယ်။

ဒါကတော့ ရန်ကုန်တိုင်းဒေသကြီးရဲ့ မြို့နယ်တချို့တွေမှာ တိမ်လိုမျိုးမဟုတ်တဲ့ အငွေ့များက နေအိမ်တွေရဲ့ အနီးအနားတွေဆီသို့ ပျံ့နှံ့လာခဲ့တာကြောင့် ပြည်သူတွေက အထိတ်တလန့်ဖြစ်ခဲ့ကြတာ ဖြစ်ပါတယ်။ ဒီပုံလေးတွေကလည်း လူမှုကွန်ယက်မှာ ခဏလေးအတွင်း ပျံ့နှံ့သွားခဲ့ပါတယ်။ ပျံ့နှံ့လာခဲ့တဲ့ သတင်းများအရ ဒီအငွေ့တွေဟာ လေယာဉ်လိုလို ဒရုန်းလိုလို ပျံသွားတဲ့အသံတွေ ကြားရပြီးနောက် ဖြစ်ပေါ်လာတာလို့ ပြောဆိုနေကြတာကိုလည်း ကြားသိရပါတယ်။

ယခုမှာလည်း အများပြည်သူတွေ ထိတ်လန့်ခဲ့ရတဲ့ အဆိုပါအငွေ့များပျံ့နှံ့လာခဲ့တဲ့အချိန်မှာ ပြည်သူတစ်ဦးက နေအိမ်ကနေရိုက်ယူထားတဲ့ ဗီဒီယိုလေးကိုလည်း ထပ်မံဖော်ပြလာတာ တွေ့မြင်ရပါတယ်။ လက်ရှိမှာတော့ အဆိုပါအငွေ့တွေဟာ ဘာကြောင့် ဖြစ်လာတယ်ဆိုတာ မသိရသေးပေမယ့် ပြည်သူတွေကတော့ သူတို့ရဲ့ ထင်မြင်ယူဆချက်တွေကိုလည်း ရေးသားဖော်ပြပေးထားတာတွေလည်း ရှိပါတယ်။ ဗီဒီယိုလေးကို ကြည့်ပြီး ဒီအငွေ့တွေဟာ ဘာကြောင့်ဖြစ်လာတယ်ဆိုတာကိုလည်း ပရိသတ်တွေရဲ့ ထင်မြင်ချက်လေးတွေကို ပြောပေးခဲ့ပါဦးနော်...။

(ဗီဒီယို ကြည့်ရန်အတွက် အောက်ပါ link ကို ပုံထဲက အတိုင်း Select ပေးပြီး Facebook (သို့မဟုတ်) Browser ဆိုတဲ့စကားလုံးကို နှိပ်၍ ကြည့်ရှု့နိုင်ပါသည်)

https://www.facebook.com/100014647248159/videos/362433092195205/

သတင်း အရင်းအမြစ်៖ VideoCredit & Source - Wu Kong fb account