လက်ရှိမှာတော့ ပြည်တွင်းရေးအခြေအနေကြောင့် အမြို့မြို့၊အနယ်နယ်မှာ ခိုးဆိုးလုယက်မှုတွေပေါများနေပြီးပြည်သူတွေလည်း စိုးရိမ်စိတ်နဲ့ပဲ မိမိတို့အသက်၊အိုးအိမ်၊စည်းစိမ်ကို ကာကွယ်စောင့်ရှောက်နေရတာဖြစ်ပါတယ်။ဒါ့အပြင် ကိုဗစ်တတိယလှိုင်းကြောင့်လည်း ပြည်သူတွေခမျာ နစ်နာဆုံးရှုံးမှုများစွာနဲ့ ကြုံတွေ့နေရတာပဲဖြစ်ပါတယ်။စီးပွါးရေးတွေလည်း ကြပ်တည်းနေတာကြောင့် အခြေခံလူတန်းစားတွေအနေနဲ့ မိသားစုစားဝတ်နေရေးအတွက်တောင် ရုန်းကန်ရှာဖွေနေရတာပဲဖြစ်ပါတယ်။
အခုဆိုရင်တော့ ရခိုင်ပြည်နယ်၊တောင်ကုတ်မြို့မှာ နေထိုင်တဲ့ ပြည်သူတစ်ဦးက အလုပ်လုပ်ဖို့ဆိုပြီး ဇူလိုင်လ (၅) ရက်နေ့၊ မနက် (၆)နာရီကတည်းက အိမ်မှထွက်သွားခဲ့တာဖြစ်ပါတယ်။မိသားစုဝင်တွေလည်း နေ့လည်ထမင်းစားဖို့ပြန်မလာတာကြောင့် (၁၁)နာရီကျော်လောက်မှာ ဖုန်းဆက်တဲ့အခါ ဖုန်းစက်ပိတ်ထားတာနဲ့ ကြုံခဲ့ရတာဖြစ်ပါတယ်။ဇူလိုင်လ (၁၂)ရက်နေ့၊ည (၈)နာရီအချိန်မှာ တခြားဖုန်းနံပါတ်တစ်ခုနဲ့ “အဖေဘဝပျက်နေပြီလို့ ငိုပြီးပြောကာ ဆိုင်ကယ်နဲ့ဖုန်းမရှိတော့ဘူး”လို့ မိသားစုဝင်တွေကို ဖုန်းဆက်ပြောခဲ့တာဖြစ်ပါတယ်။
အဲ့ဒီဦးလေးကြီးက ယခုလက်ရှိမှာ ဧရာဝတီတိုင်းဘက်ရောက်နေတယ်လို့ ဖုန်းမချခင်ပြောသွားသေးတာဖြစ်ပါတယ်။မိသားစုဝင်တွေက အဲ့ဒီဖုန်းနံပါတ်ကို ပြန်ဆက်သွယ်ပေမယ့်လည်း လုံးဝဆက်သွယ်လို့မရတော့ဘူးလို့ သိရပါတယ်။ဒါ့ကြောင့် မိသားစုဝင်တွေက သူတို့ရဲ့ဖခင်ကို တွေ့တဲ့အခါ (၀၉၆၇၆၈၃၅၁၄၁)ကို နှစ်ခါဆက်သွယ်ပေးဖို့တောင်းဆိုလာတာဖြစ်ပါတယ်။ဧရာဝတီတိုင်းမှာနေထိုင်ကြတဲ့ ပြည်သူတွေလည်း ပုံပါဦးလေးကြီးကို တွေ့တဲ့အခါမိသားစုကို ဆက်သွယ်ရအောင်လို့ ပြန်လည်မျှဝေပေးလိုက်ပါတယ်။
Source&Photo Credit: Original Uploder