တစ်နေ့ တစ်နေ့ ကိုဗစ်ကူးစက်ခံရပြီး သေဆုံးသူတွေ များပြားလာတာကို စိတ်မကောင်းစွာ တွေ့ရတာ အမှန်ပါပဲ ။ ရောဂါကလည်း ပြင်းထန်သလို စနစ်တကျ မကုနိုင်တာတွေကြောင့် တန်ဖိုးရှိတဲ့ လူ့အသက်တွေ ဆုံးရှုံးနေရတာပါ ။ ဒါ့အပြင် အိမ်ထဲမှာပဲ ကုသနေရလို့ တစ်အိမ်လုံး ရောဂါပိုး ကူးစက်ကာ သေဆုံးနေကြသည်အထိ အခြေအနေတွေ အရမ်းဆိုးရွားနေတာကို တွေ့ရပါတယ် ။
ရေးဝေး သုသာန်တွေလို နေရာတွေမှာ ဆိုရင်လည်း မစည်းကားသင့်ပဲ စည်းကားနေပါတယ် ။ dead body တွေကို လာချတဲ့ ကားတွေဆို မရည်တွက်နိုင်အောင် များပြားနေတဲ့ အခြေအနေကို ပရဟိတ ပြည်သူတစ်ဦးက ဗီဒီယိုရိုက်ကာ ဖော်ပြလာပါတယ် ။ သေဆုံးသူကို မီးသင်္ဂြိုဟ်ဖို့ကို တန်းစီပြီး လျှောက်လမ်းမှာ ထိုင်စောင့်နေရတဲ့ မိသားစုဝင်တွေရဲ့ မြင်ကွင်းတွေကို ဗီဒီယိုလေးထဲမှာ စိတ်မကောင်းစွာ တွေ့မြင်ရမှာပါ ။
ဒါ့အပြင် ပိုင်ရှိင်မပါလို့ဆိုပြီး Dead Body ကို လမ်းမှာ ဒီတိုင်းထားခဲ့တာတွေလည်း ရှိနေပါတယ် ။ ပရဟိတ အသင်းတွေကပဲ သယ်ဆောင်ပြီး သင်္ဂြိုဟ်ပေးခဲ့ရတယ်လို့ သိရပါတယ် ။ ပရိသတ်ကြီးအတွက် မြန်မာနိုင်ငံမှာ သေတဲ့သူတွေ အလွန်များပြားလွန်းနေတဲ့ လက်ရှိအခြေအနေကို ပြန်လည်ဝေမျှပေးလိုက်ပါတယ် ။ ပြည်သူတွေလည်း ဒီရောဂါကပ်ဆိုးကြီးကနေ အမြန် ကင်းလွတ်ကြပါစေ ဆုတောင်းပေးလိုက်ပါတယ် ။