မိသားစုလိုက် ကိုဗစ်ကူးစက်ခံထားရတဲ့အိမ်တွေဆီကို အစားအသောက်တွေနဲ့ငွေကြေးအချို့လိုက်လံလှူဒါန်းခဲ့တဲ့ စေတနာရှင်လူငယ်လေးတစ်ဦး

မြန်မာနိုင်ငံမှာ ကိုဗစ်ရောဂါကူးစက်မှုနှုန်းတွေတိုးပွားလာတာနဲ့အမျှ မိသားစုလိုက်တွေအထိပါ တစ်အိမ်လုံးကူးစက်ခံနေရတဲ့အခြေအနေတွေအထိ ဖြစ်ပေါ်နေတာဖြစ်ပါတယ်။ တစ်အိမ်လုံးကူးစက်ခံထားရတာကြောင့် စားသောက်ဖို့အတွက်၀ယ်ယူရတဲ့နေရာမှာ အခက်အခဲတွေရှိနေပြီး ကုသရေးစင်တာတွေပါမရှိတာကြောင့် ကူးစက်ခံရတဲ့ပြည်သူတွေမှာ အိမ်မှာပဲ Home Quartine လုပ်ကာနေထိုင်နေကြရတာဖြစ်ပါတယ်.....။

အခုလို မိသားစုလိုက်ကူးစက်ခံရပြီး အခက်အခဲဖြစ်နေတဲ့အိမ်တွေအတွက် စေတနာရှင်ပြည်သူတွေဟာ အစားအသောက်တွေကိုသွားရောက်ပို့ပေးကြပြီး တတ်နိုင်တဲ့ဘက်ကနေကူညီပေးနေကြတာကိုတွေ့ရပါတယ်။ ပြည်သူချင်းကူညီဖေးမနေကြတဲ့ မြင်ကွင်းပုံရိပ်တွေဟာဆိုရင်လည်း လူမှုကွန်ယက်စာမျက်နှာထက်တွေမှာပျံ့နှံ့နေပြီး စေတနာရှင်ပရဟိတလူငယ်လေးတွေကိုလည်း အများအပြားတွေ့ရပါတယ်။

မကြာသေးမီကလည်း ပရဟိတလူငယ်လေးတစ်ဦးဟာ သူ့ရဲ့Facebookစာမျက်နှာမှာ "8အိမ်တော့ ပို့ပြီပါပြီ အကုန်လုံးက မိသားစုလိုက် (P)ဖြစ်နေကြတာများပါတယ် အဟာရနဲ့ လိုတာလေးတွေ ကူခဲ့ပါတယ် (ငါးသေတ္တာ ၊ခေါက်ဆွဲခြောက်၊ကြက်ဥ၊ဓာတ်ဆား၊ပါရာစီတမော့၊ဒီကိုဂျင်)

လိုအပ်ရင် အသုံးပြုဖို့ နိုင်သလောက် (၁၀၀၀၀)ကျပ်ကိုလည် အိမ်တချို့ကို ကူညီခဲ့ပါတယ်(၂၀)ဦးလို့ခန့်မှန်းထားပေမယ် လူများသွားတော့ ပစ္စည်းကူဖို့ လိုသွားတယ် နောက်ရက်ထပ်သွားကူပါမယ် နောက်ဆုံးပုံတော့ သည်းခံလိုက်ကြပါဗျာ....." ဆိုပြီးရေးသားမျှဝေထားခဲ့ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်နော်။

သတင်း အရင်းအမြစ်៖ La Gon Eain's Facebook acc