ကယားပြည်နယ်တွင် လွန်ခဲ့တဲ့ တစ်လကျော်လောက်က တိုက်ပွဲတွေ ပြင်းထန်စွာ ဖြစ်ပွားခဲ့ပြီး ပြည်သူများအားလုံးတောထဲသို့ စစ်ပြေးရှောင်ခဲ့ကြရပါတယ်။ ပြည်သူ့ကာကွယ်ရေး တပ်ဖွဲ့ဝင် ရဲဘော်လေးတွေဟာ ပြည်သူတွေရဲ့အသက်အိုးအိမ် စည်းစိမ်တွေ ထိခိုက်ဆုံးရှုံးမှုမရှိအောင် အတတ်နိုင်ဆုံး ကြိုးစားတိုက်ပွဲဝင်ပေးခဲ့ကြတာ အားလုံးအသိပဲ ဖြစ်ပါတယ်။ လက်ရှိမှာတော့ နှစ်ဘက်စလုံး အပစ်အခတ် ရပ်ထားတာကြောင့် အခြေအနေတည်ငြိမ်လျက် ရှိနေပါတယ်။
ပြည်သူ့ကာကွယ်ရေးတပ်ဖွဲ့ဝင်များကလည်း လက်ရှိအချိန်တွင် ဘေးကင်းရာမှာ ခက်ခဲစွာ နေထိုင်နေကြရပေမယ့်လည်း တစ်ချက်မှ မညည်းညူခြင်းမရှိဘဲ ပြည်သူတွေဘက်ကနေ မားမားမတ်မတ် ရပ်တည်ပေးနေကြတာကိုအားတက်ဖွယ် မြင်တွေ့ရပါတယ်။ တိုက်ပွဲတွေ ပြင်းထန်ခဲ့စဉ်ကာလတုန်းက ရန်သူကို အမြစ်ပြတ်ချေမှုန်းခဲ့ကြတာတွေကို မှတ်တမ်းဗီဒီယိုလေးတွေ ရိုက်ကူးထားပြီး မကြာသေးခင် နာရီပိုင်းလောက်က KPDF ရဲဘော်တစ်ဦးရဲ့ လူမှုကွန်ယက်တွင် ဝေမျှပေးထားတာ ဖြစ်ပါတယ်။
ပြည်သူများမှလည်း KPDF ရဲဘော်လေးတွေရဲ့ရဲစွမ်းသတ္တိရှိမှုတွေကို ကြည့်ပြီး လေးစားဂုဏ်ယူနေကြတာ ဖြစ်ပါတယ်။ အသက်အန္တရာယ်ကျရောက်မှာကိုပင် ပဓာနမထားဘဲ အစွမ်းကုန် ကြိုးစား တိုက်ပွဲဝင်ပေးနေကြတဲ့ လူငယ်လေးတွေအားလုံး ဘေးအန္တရာယ်ကင်းရှင်းကြပါစေလို့ ဆုတောင်းပေးရင်း ဒီဗီဒီယိုဖိုင်လေးကိုပါ တင်ဆက်ပေးလိုက် ရပါတယ်။
Source and Photo Crd-Original Uploader