နိုင်ငံရေးအခြေအနေပြောင်းလဲမှုတွေကြောင့် တစ်ကျော့ပြန်လည်ဖြစ်ပေါ်လာတဲ့ ကိုဗစ် Third waveရဲ့ ဒဏ်ကိုမြန်မာပြည်သူတွေအနေနဲ့ အလူးအလဲခံစားနေကြရပါတယ်။ အရင်လို ကုသရေးစင်တာတွေမရှိတော့တဲ့အပြင် အောက်ဆီဂျင်ပြတ်လပ်မှုတွေနဲ့ မလုံလောက်မှုတွေကြောင့် အသက်ဆုံးရှုံးနေရတဲ့ ကိုဗစ်လူနာတွေများစွာလည်းရှိလာနေပါတယ်။ ဆေးရုံတွေမှာဆိုရင်လည်း ကုတင်တွေမလောက်ငှတော့တဲ့အထိဖြစ်နေပြီး ပိုးတွေ့လူနာတွေကိုပါ အိမ်ပြန်ခိုင်းကြတဲ့အထိ အခြေအနေဆိုးရွားနေတာတွေ့ရပါတယ်။

Photo credit-Original Uploader
Photo credit-Original Uploader

အခုချိန်ကာလမှာ အောက်ဆီဂျင်အိုးရရှိရန် ခက်ခဲနေကြပြီး ငွေရှိသော်လည်း အောက်ဆီဂျင်ရရှိဖို့ခက်ခဲနေကြရတဲ့ အခြေအနေနဲ့မြန်မာပြည်သူတွေကြုံတွေ့နေကြရပါတယ်။ လူမှုကွန်ယက်စာမျက်နှာထက်တွေမှာလည်း အရေးပေါ်လူနာတွေအတွက် အောက်ဆီဂျင်တောင်းခံနေရတဲ့ပို့စ်တွေ ဆက်တိုက်တက်နေပြီး အောက်ဆီဂျင်စက်ရုံတွေနဲ့ အောက်ဆီဂျင်ဖြည့်ပေးကြတဲ့ ပရဟိတအဖွဲ့အစည်းတွေမှာလည်း နေ့ရောညပါ လူတွေတန်းစီစောင့်ဆိုင်းနေရတဲ့အထိ ဖြစ်ပေါ်နေတာတွေ့ရပါတယ်။

Photo credit-Original Uploader
Photo credit-Original Uploader

အခုလိုအရေး‌ပေါ်အခြေအနေတွေ ကြုံတွေ့နေရတဲ့ ပြည်သူတွေအတွက် ဒေါပုံနွယ်အေး ဗလီမှအဖွဲ့၀င်တွေက တတ်နိုင်သရွေ့အောက်ဆီဂျင်အိုးတွေဖြည့်ပေးကာ ကူညီပေးနေတာတွေ့ရပါတယ်။ ယနေ့ဇူလိုင်လ (၁၅)ရက်နေ့မှာဆိုရင်လည်း ဒေါပုံနွယ်အေးဗလီမှအဖွဲ့သားတွေဟာ မနက်လေးနာရီတည်းကစတင်ကာ အောက်ဆီဂျင်လှူဒါန်းမှုတွေပြုလုပ်ပေးနေတာဖြစ်ပါတယ်။အခုလို လူမျိုး ဘာသာခွဲခြားမှုမရှိပဲ ပြည်သူချင်းကူညီစောင့်ရှောက်ပေးနေကြတဲ့ မြင်ကွင်းပုံရိပ်တွေဟာ လူမှုကွန်ယက်စာမျက်နှာတွေမှာ ချက်ချင်းပျံ့နှံ့လာခဲ့ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

Photo credit-Original Uploader

သတင်းအရင်းမြစ်: Zaw Min Latt's Facebook acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။