​မတည်ငြိမ်နိုင်သေးတဲ့ ခုလက်ရှိ နိုင်ငံရေး အခြေအနေတွေကြောင့် စိတ်ဓာတ်ပြင်းထန်တဲ့ လူငယ်တွေ အများစုကတော့ သူတို့ရဲ့ ဘဝတွေကို စွန့်လွှတ်ပြီး လွတ်မြောက် နယ်မြေတွေထဲ သွားရောက်ကာ တိုင်းရင်းသား လက်နက်ကိုင်တွေဆီမှာ စစ်ပညာသင်ကြားလျက်ရှိပါတယ် ။ တစ်ချို့ တောင်တန်း ဒေသက PDF တွေဆိုရင် ကိုယ့်ဒေသနဲ့ လူမျိုးအတွက် အာဏာရှင် လူတစ်စုကို ပြန်လည် ခုခံတိုက်ခိုက်လျက် ရှိနေပါပြီ ။

Photo Credit : ဒီးမော့ဆို Generation Z Facebook Page

ဒီလို တိုက်ခိုက်ကြရာမှာလည်း PDF တွေ အနေနဲ့လည်း များစွာ ပေးဆပ်မှုတွေရှိခဲ့ပါတယ် ။ သူတို့ဘက်လည်း ဒီလို တိုက်ပွဲတွေ မစခင် အချိန်များစွာပေးပြီး ကြိုတင်ပြင်ဆင်မှုတွေ လုပ်ခဲ့ကြရပါတယ် ။ ဒါ့အပြင် တိုက်ပွဲမှာ တွေ့ကြုံခဲ့ရတာတွေ ၊ အခက်အခဲတွေ ၊အောင်ပွဲတွေကိုလည်း ပြည်သူတွေ သိရှိပြီး စိတ်ခွန်အားဖြစ်စေရန် ရည်ရွယ်ကာ ဒီးမော့ဆိုက PDF တွေက တိုက်ပွဲ မှတ်တမ်း ဗီဒီယို တစ်ချို့ကို ဝေမျှလာပါတယ် ။

Photo Credit : ဒီးမော့ဆို Generation Z Facebook Page

ဗီဒီယိုထဲမှာ တစ်ဖက်အာဏာရှင် လူတစ်စုဘက်က ရဟတ်ယာဉ်တွေအသုံးပြုကာ တိုက်ခိုက်ခဲ့တာတွေကိုလည်း တွေ့မြင်ရမှာပါ ။ PDF တွေ အနေနဲ့လည်း သူတို့ရဲ့အသက်တွေ ဆုံးရှုံးမှာကို မထည့်တွက်ဘဲ ရဲရဲဝင့်ဝင့် ရှေ့ဆုံးက ပြန်လည်တိုက်ခိုက်ခဲ့ကြပါတယ် ။ ပရိသတ်ကြီး အတွက် ဒီးမော့ဆိုက PDF တွေရဲ့ တိုက်ပွဲ မှတ်တမ်း တစ်ချို့ကို ပြန်လည်ဖော်ပြပေးရင်း မြန်မာပြည်ကြီး အမြန်အေးချမ်းပါစေလို့ ဆုတောင်းပေးလိုက်ပါတယ် ။

Source & Photo Credit : ဒီးမော့ဆို Generation Z Facebook Page 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။