Social mediaဆိုတာ အနုပညာရှင်တွေအနေနဲ့ ပရိသတ်တွေနဲ့ ထိတွေ့ဆက်ဆံတဲ့နေရာမှာ အလွယ်ကူဆုံးနဲ့ အထိရောက်ဆုံးအရာတစ်ခုဖြစ်ပါတယ်။ သို့သော်လည်း Social mediaကိုလုံး၀အသုံးမပြုကြတဲ့ နာမည်ကြီးကိုရီးယားအနုပညာရှင်တစ်ချို့လည်းရှိနေတာတွေ့ရပါတယ်။ သူတို့အနေနဲ့လည်း social mediaကိုအသုံးမပြုကြတဲ့ အကြောင်းပြချက်ကိုယ်စီရှိကြတာလည်းတွေ့ရပါတယ်။ ပရိသတ်တွေအတွက် social mediaလုံး၀အသုံးမပြုကြတဲ့ ကိုရီးယားအနုပညာရှင် (၅)ဦးကို ဖော်ပြပေးချင်ပါတယ်။
နံပါတ် (၁)အနေနဲ့ မှင်စာလို့လူသိများကြတဲ့ Gong Yooပါ။ သူက သူ့ရဲ့ကိုယ်ပိုင်ဘ၀ကို အွန်လိုင်းပေါ်မှာထုတ်ဖော်ရတာကို မနှစ်သက်တဲ့အပြင် သူသတိမရလိုတဲ့အကြောင်းအရာတွေကို အွန်လိုင်းမှာ အမှတ်တရတွေအနေနဲ့မကျန်ခဲ့စေလိုကြောင်းလည်း ပြောထားတာဖြစ်ပါတယ်။
နံပါတ်(၂)အနေနဲ့ကတော့ ကိုရီးယားရဲ့ National MCအဖြစ်တင်စားခံရတဲ့ Yoo Jae Sukပဲဖြစ်ပါတယ်။ သူဟာ social mediaသုံးစွဲမှုကိုစွဲလမ်းလာမည်စိုး၍ တစ်နေ့တာလုံးအခြားအရာများမလုပ်မိမည်ကိုစိုးရိမ်တာကြောင့်ဖြစ်တယ်လို့ သိရပါတယ်။
နံပါတ် (၃)အနေနဲ့ကတော့ နာမည်ကြီးမင်းသား Song Joong Ki ဖြစ်ပါတယ်။ သူက နည်းပညာပိုင်းကျွမ်းကျင်တဲ့သူမဟုတ်တာကြောင့် social mediaအသုံးမပြုတာလို့သိရပါတယ်။ အေဂျင်စီကစီမံသော Instagram acc ရှိသော်လည်းသူ့ရဲ့ကိုယ်ပိုင်အကောင့်မရှိပါ။
နံပါတ်(၄)အနေနဲ့ကတော့ မင်းသမီးPark Bo Young ပါ။ သူမက စိတ်ခံစားမှုအရမ်းများပြီး ဒေါသထွက်လွယ်တဲ့သူဖြစ်တာကြောင့် social mediaအသုံးမပြုတာလို့သိရပါတယ်။ သူမက မကြာသေးမီက Instagram accတစ်ခုဖွင့်ခဲ့သော်လည်း ၎င်းသည်သူမရဲ့ ၀န်ထမ်းတွေနဲ့
အတူ BH Entertainment မှတွဲဖက်လုပ်ကိုင်ပေးထားတဲ့ accတစ်ခုဖြစ်ပါတယ်။
နံပါတ်(၅)အနေနဲ့ ဖော်ပြပေးချင်တာကတော့ Kang Dong Wonပါ။ သူ့အနေနဲ့ social mediaကိုအသုံးမပြုရတဲ့ အကြောင်းရင်း သုံးမျိုးရှိတယ်လို့ဆိုထားပါတယ်။ သူဟာ social mediaက ဆက်သွယ်ရေးပုံစံတစ်မျိုးဖြစ်တယ်ဆိုတာ လက်မခံနိုင်တာရယ်၊ သူ့မှာ social mediaကနေတစ်ဆင့် မျှဝေစရာဘာမှမရှိတာရယ်၊ သူစိမ်းတွေနဲ့စကားမပြောချင်တဲ့ သူ့ရဲ့ personalityကြောင့်ရယ်လို့သိရပါတယ်။
သတင်း အရင်းအမြစ်៖ Twitter