အမေရိကန်နိုင်ငံက Daisy Paulsen လို့ခေါ်တဲ့ အသက် ၁၄ နှစ်အရွယ် မိန်းကလေးတစ်ဦးဟာ ပြီးခဲ့တဲ့ရက်ပိုင်းက North Dakota က Shopping Centre မှာ လူစိမ်းအမျိုးသားတစ်ဦးရဲ့ တိုက်ခိုက်တာ ခံခဲ့ရပါတယ်။

Daisy ဟာ ပြီးခဲ့တဲ့ သောကြာနေ့ နံနက် ၇ နာရီလောက်က သူမအဖေရှိတဲ့နေရာကနေ shopping centre တစ်ခုကိုဖြတ်ပြီး Fargoက အမေဖြစ်သူရှိရာအိမ်ကို စကိတ်စီးပြီး သွားနေတုန်းမှာ အသက် ၂၃ နှစ်အရွယ် Arthur Prince Kollie လို့ခေါ်တဲ့ အမျိုးသားရဲ့ တိုက်ခိုက်တာကို ခံခဲ့ရတာပဲ ဖြစ်ပါတယ်။

ရက်စက်ကြမ်းကြုတ်တဲ့ လုယက်မှုလို့ဆိုလို့ရတဲ့ ဒီတိုက်ခိုက်မှုအတွင်းမှာတော့ Daisy ဟာ ရိုက်နှက်ခံရရုံသာမက လည်ပင်းလည်းညှစ်ခံခဲ့ရသလို ဓားနဲ့လည်း ၂၅ ချက်ထိုးခံခဲ့ရပါတယ်။

အဲ့ဒီနောက် သွေးအိုင်ထဲမှာ လဲနေတဲ့ Daisy ကိုရှာတွေ့ခဲ့ချိန်မှာတော့ ကျောပိုးအိတ် ၊ ဖုန်းနဲ့ ပိုက်ဆံအိတ်တို့ ရှိမနေတော့ဘူးလို့သိရပါတယ်။

အဲ့ဒီနောက်မှာတော့ Daisy ကိုဆေးရုံပို့ပြီး ဆေးကုသပေးခဲ့ကြပေမယ့်လည်း လည်ပင်းညှစ်ခံထားရတဲ့ဒဏ်က ဦးနှောက်ကိုပါထိနေခဲ့ပါပြီ။

ဒါ့အပြင် ဓားဒဏ်ရာတွေကလည်း တစ်ကိုယ်လုံး ပွနေခဲ့ပေမယ့် ဆရာဝန်တွေဟာ Daisy လေးအသက်ဆက်ရှင်သန်ဖို့အတွက် အကောင်းဆုံးကြိုးစားပေးခဲ့ကြပါတယ်။

သို့ပေမယ့်လည်း တိုက်ခိုက်ခံရပြီး လေးရက်လောက်အကြာမှာတော့ Daisy ဟာ သူမရရှိထားတဲ့ ဒဏ်ရာတွေကြောင့်ပဲ သေဆုံးသွားခဲ့ပါတယ်။

လက်ရှိမှာ Daisy လေးကိုတိုက်ခိုက်ခဲ့တဲ့ အမျိုးသားကို ဖမ်းမိထားပြီဆိုပေမယ့်လည်း Daisy ရဲ့အသက်ကတော့ ပြန်မရှင်လာနိုင်တော့ပါဘူး...........

သတင်းအရင်းမြစ်: Mirror

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။