ပြင်ဦးလွင်မြို့အနီးစခန်းရှိ ဓာတ်အားပေးစက်ရုံထဲသို့ စစ်တပ်သုံးလေယာဉ်ပျက်ကျပြီး လိုက်ပါလာတဲ့ လူပေါင်း(၁၂)ဦးသေဆုံးခဲ့

ယနေ့ဇွန်လ၁၀ရက်နေ့ မနက်၈နာရီအချိန်မှာတော့ ပြင်ဦးလွင်ခရိုင် မေမြို့အနီးစခန်းနားက လျှပ်စစ်ဓာတ်အားပေးစက်ရုံထဲသို့ လေယာဥ်တစ်စီးပျက်ကျသွားခဲ့ပါတယ်။ အဆိုပါပျက်ကျသွားတဲ့ လေယာဥ်ဟာ စစ်တပ်သုံးလေယာဥ်ဖြစ်တယ်လို့ သိရပြီး အဆိုပါလေယာဥ်ထဲမှာ လူပေါင်း(၁၆)ယောက်ခန့်လိုက်ပါလာခဲ့တာပဲဖြစ်ပါတယ်။ ယခုအချိန်မှာတော့ နယ်မြေခံမီးသတ်ကားများနဲ့ လူနာတင်ယာဉ်များထွက်ခွာပြီး သွားရောက်ကယ်ဆယ်မှုပြုလုပ်နေတယ်လို့လည်း သိရပါတယ်။

အဆိုပါလေယာဥ်က လျှပ်စစ်ခွဲရုံနဲ့သံမဏိစက်ရုံကြားထဲသို့ ပျက်ကျသွားခဲ့တာပဲဖြစ်ပါတယ်။ အဆိုပါလေယာဥ်ပျက်ကျမှုကြောင့် လိုက်ပါလာတဲ့လူပေါင်း(၁၂)ဦးခန့်သေဆုံးသွားကြောင်း သိရပါတယ်။ အဆိုပါလိုက်ပါလာတဲ့ လူတွေထဲမှာ ကလေးငယ်လေးတစ်ယောက်လည်းပါဝင်ပြီး အဆိုပါကလေးငယ်လေးက မစိုးရိမ်ရအခြေအနေမှာရှိတယ်လို့ သိရကာ ကျန်အမျိုးသမီးတစ်ဦးကတော့ စိုးရိမ်ရအခြေအနေမှာရှိနေကြောင်း သိရပါတယ်။

မန္တလေးမီးသတင်းအဖွဲ့ကတော့ "  ပြင်ဦးလွင်မြို့ အနီးစခန်းတွင် လေယာဉ်ပျက်ကျ ကနဦး(၈)ဦးသေဆုံး နယ်မြေခံမီးသတ်ကားများနှင့်လူနာတင်ယာဉ်များထွက်ခွာ (၁၆)ဦးခန့် ပါ သေဆုံး(၁၂)ဦးအမျိုးသမီး(၁)စိုးရိမ်ရကလေး(၁)ဦး မစိုးရိမ်ရ " ဆိုပြီး လူမှုကွန်ယက်စာမျက်နှာထက်မှာ ထုတ်ပြန်ထားခဲ့တာဖြစ်ပါတယ်။ လေယာဥ်ပျက်ကျပြီး ကယ်ဆယ်ရေးများပြုလုပ်နေတဲ့ ပုံရိပ်လေးတွေကို ပရိသတ်တွေအတွက် ပြန်လည်ဖော်ပြပေးလိုက်ရပါတယ်။

Source -Orginal Uploader