ရန်ကုန်၊ ဒဂုံမြောက်ပိုင်း (၄၀) ရပ်ကွက် ရန်ကြီးလမ်းနဲ့ မာဃလမ်းထောင့်မှာနေထိုင်တဲ့ အဖိုးအဖွားစုံတွဲကတော့ လတ်တလောကာလတွေမှာ စားဝတ်နေရေးအပြင် အစစအရာရာ ခက်ခဲနေတာ တွေ့ရပါတယ်..။

အသက်(၇၈)နှစ်အဖိုးနဲ့ အသက်(၈၄)နှစ်အရွယ် အဖွားတို့ဟာ ကြည့်ရှု့စောင့်ရှောက်မယ့် သားသမီးတွေ မရှိကြတဲ့အပြင် မျက်လုံးလည်း မမြင်ကြတော့တဲ့အတွက် လုပ်ကိုင်စားသောက်လို့ မရတော့ဘဲ စားဝတ်နေရေးနဲ့ ဆေးကုသဖို့ အခက်အခဲဖြစ်လို့ နေပါတယ်..။

Photo Credit - May Nwe Htun's Fb Acc
Photo Credit - May Nwe Htun's Fb Acc

အဖိုးက မျက်လုံးတစ်ဖက် တိမ်ဖုံးနေပြီး အဖွားကတော့ မျက်လုံးနှစ်ဖက်လုံး မမြင်ရတော့တာကြောင့် အဖိုးအဖွားနှစ်ယောက်လုံး ပင်ပန်းကြီးစွာ နေထိုင်စားသောက်နေရပြီး ဘုန်းကြီးက ဆိုင်ကယ်ဆိုင်တွဲလေးကို ပေးထားတယ်လို့ သိရပါတယ်..။

အဖွားအတွက်မျက်လုံးခွဲစိတ်ကုသဖို့ အလှူရှင်ရှိနေပေမယ့် တခြားဆီးချိုရောဂါအတွက် သောက်ဆေးနဲ့ စားဝတ်နေရေးအတွက် အရမ်းကို အခက်အခဲဖြစ်နေကြတာပါ..။

Photo Credit - May Nwe Htun's Fb Acc
Photo Credit - May Nwe Htun's Fb Acc
Photo Credit - May Nwe Htun's Fb Acc

အဖိုးနဲ့အဖွားအတွက် သရုင်ဆောင်မေနွယ်ထွန်းက တတ်နိုင်သလောက် ဖေးမကာ အလှူငွေ ကူညီလှူဒါန်းထားသလို တတ်နိုင်တဲ့စေတနာရှင်တွေကိုလည်း ကူညီပေးကြဖို့ တိုက်တွန်းထားပါသေးတယ်..။

​လိုအပ်နေသူတွေအတွက် အခုလိုခက်ခဲကြပ်တည်းနေကြတဲ့ အချိန်မှာ တတ်နိုင်တဲ့ဘက်ကနေ အားဖြည့် ကူညီနေကြတဲ့ ပြည်သူတွေရဲ့ စိတ်ထားနဲ့ စေတနာသဒ္ဒါတရားတွေကတော့ တကယ်ကို လေးစားစရာပါပဲ..။

Photo Credit - May Nwe Htun's Fb Acc
Photo Credit - May Nwe Htun's Fb Acc

သတင်းအရင်းမြစ်: May Nwe Htun's Fb Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။