အာဏာရှင်ဆန့်ကျင်ရေး လူထုလှုပ်ရှားမှုတွေကို စစ်ကောင်စီအနေနဲ့ လိုက်လံဖမ်းဆီးကာ ပစ်ခတ်မှုတွေရှိနေပေမယ့် နေရာ ဒေသအချို့မှာတော့ ယနေ့ချိန်ထိ အမျိုးမျိုးသော ဆန္ဒပြမှုများ ရှိနေပါတယ်။ ပြည်သူတွေအနေနဲ့ စစ်အာဏာရှင်ကြောင့် အသက်ဆုံးရှုံးမှုများပြားစွာရှိသလို ကျောင်းသားလူငယ်များလည်းပဲ ဖမ်းဆီးခံထားရမှုတွေ များစွာရှိပါတယ်။
အာဏာရှင်စနစ်ကျရှုံးဖို့အတွက် လက်ရှိမှာဆိုရင်လည်း လူငယ်များဟာ တောတောင်တွေမှာ စခန်း၀င်လေ့ကျင်ကြသလို ပြည်သူ့ကာကွယ်ရေးတပ် PDF အဖွဲ့တွေများစွာ ဖွဲ့စည်းလာတာကိုလည်း တွေ့ရှိကြရမှာပါ။ ယနေ့မနက်ပိုင်းမှာဆိုရင်လည်း မန္တလေးမဟာမိတ်သပိတ်စစ်ကြောင်းသည် ဖမ်းဆီးပစ်ခတ်မှုတွေရှိနေတာကို သိပေမယ့် ဆက်လက်ချီတက် ဆန္ဒပြခဲ့ကြပါတယ်။
ဆန္ဒပြပွဲမှာတော့ ပုံထဲမှာဖော်ပြထားတဲ့အတိုင်း ကျောင်းသားကျောင်းသူများအပြင် များစွာသော ပြည်သူတွေလည်း အတူတကွပါ၀င်ကာ စစ်အာဏာရှင်ဆန့်ကျင်ရေးကို ပြုလုပ်ခဲ့ကြတာ တွေ့ရှိကြရမှာဖြစ်ပါတယ်။ ပြည်သူတွေဘေးကင်းဖို့ဆုတောင်းရင်း မန္တလေး မဟာမိတ်သပိတ်စစ်ကြောင်း ချီတက်ဆန္ဒပြခဲ့ကြတဲ့ပုံရိပ်တွေကို ပြန်လည်မျှဝေပေးလိုက်ပါတယ်။
Source & Photo Credit - Orginal Uploader
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
