ဂျပန်နိုင်ငံက UNသံရုံးရှေ့သွားရောက်ပြီး စစ်ကောင်စီရဲ့လုပ်ရပ်တွေကိုပြင်းထန်စွာ ကန့်ကွက်ကြောင်း ဆန္ဒပြခဲ့တဲ့ ညီညွတ်သောတိုင်းရင်းသားများအဖွဲ့အစည်း

အာဏာသိမ်းလိုက်တဲ့ နေ့ရက်တွေမှစပြီး ပြည်တွင်းမှာရှိတဲ့ မြန်မာပြည်သူတွေဟာ အာဏာရှင်အလိုမရှိတဲ့ ဆန္ဒပြပွဲတွေပြုလုပ်ခဲ့သလို ပြည်ပမှာရှိတဲ့ မြန်မာနိုင်ငံသားတွေဟာလည်း သံရုံးတွေဆီသွားရောက်ပြီး ဆန္ဒထုတ်ဖော်ခဲ့ကြပါတယ်။ ပြည်ပရောက်မြန်မာနိုင်ငံသားတွေကတော့ CDMမလုပ်တဲ့သံရုံးဝန်းထမ်းတွေကို CDMလုပ်ကြဖို့သွားရောက်ဆန္ဒပြမှုတွေရှိခဲ့သလို CDMလုပ်နေတဲ့ပြည်တွင်းမှာရှိတဲ့ ပြည်သူတွေကိုလည်း ငွေကြေးထောက်ပံ့မှုတွေပြုလုပ်ခဲ့ကြပါတယ်။

ဂျပန်ရောက်မြန်မာတွေနဲ့ တောင်ကိုးရီယားရောက်မြန်မာတွေကတော့ အာဏာသိမ်းမှုကို ဆန့်ကျင်ကြောင်း မကြာခဏဆန္ဒထုတ်ဖော်လေ့ရှိကြပါတယ်။ဂျပန်ရောက်မြန်မာတွေကတော့ ဂျပန်နိုင်ငံသားတွေအနေနဲ့ မြန်မာ့အရေးကို ပိုမိုစိတ်ဝင်စားလာစေဖို့ ကြိုးစားနေကြပါတယ်။ ညီညွတ်သောတိုင်းရင်းသားများအဖွဲ့အစည်း AUN-Japanကတော့ ယနေ့ဇွန်လ(၉)ရက်နေ့မှာ ဂျပန်နိုင်ငံက UNသံရုံးရှေ့သွားရောက်ပြီး စစ်ကောင်စီရဲ့လုပ်ရပ်တွေကိုပြင်းထန်စွာ ကန့်ကွက်ကြောင်း ဆန္ဒပြခဲ့ကြပါတယ်။

ညီညွတ်သောတိုင်းရင်းသားများအဖွဲ့အစည်း AUN-Japanက အာဏာသိမ်း စစ်အုပ်စုမှ အပြစ်မဲ့ ပြည်သူများအပေါ် ညှင်းဆဲ ဖမ်းဆီးသတ်ဖြတ်နေမူများနှင့် ကချင် ~ ကယား ~ ကရင် ~ ချင်း ပြည်နယ်များမှ ကျေးရွာများကိုလေယာဉ်ဖြင့် ဗုံးကြဲတိုက်ခိုက်ခြင်း လုပ်ရပ်များကို ပြင်းထန်စွာကန့်ကွက်ရှုံ့ချတာကြောင့် အခုလို UNသံရုံးရှေ့မှာ ဆန္ဒပြရခြင်းဖြစ်တဲ့အကြောင်း ထုတ်ပြန်ထားခဲ့ပါတယ်။ဂျပန်နိုင်ငံက UNသံရုံးရှေ့မှာ ဆန္ဒထုတ်ဖော်နေကြတဲ့ ဂျပန်ရောက်မြန်မာတွေရဲ့ ပုံရိပ်လေးတွေကို ပြန်လည်ဖော်ပြပေးလိုက်ရပါတယ်။

Source - Original Upload