အာဏာရှင်စနစ် ဆန့်ကျင် ဆန္ဒပြလူထုလှုပ်ရှားမှုတွေမှာ အမှန်တရားကိုလိုလားကြတဲ့ ပြည်သူတွေနဲ့အတူ ဘက်ပေါင်းစုံက အနုပညာများအပြင် မြန်မာနိုင်ငံကိုယ်စားပြု နာမည်ကြီး အားကစားသမားတွေလည်း တစ်သားတည်းရပ်တည်ပေးတာ တွေ့ရပါတယ်။ ဒီလို ပြည်သူတွေနဲ့ အပြည့်အဝရပ်တည်ပေးခဲ့တဲ့ အားကစားသမားတွေထဲမှာ MMA ဖိုက်တာကစားသမား ကယန်း တိုင်းရင်းသူလေး Bozhena Antoniyar လည်း အပါအဝင်ပဲဖြစ်ပါတယ်။

Photo Credit - Bozhena Antoniyar
Photo Credit - Bozhena Antoniyar

Bozhena Antoniyar ဟာ ယခုဆိုရင် အာဏာရှင်စနစ် ကျရှုံးရေးအတွက် ကယားပြည်နယ်က ပြည်သူ့ကာကွယ်ရေး PDFတပ်ဖွဲ့ရဲ့ တော်လှန်ရေးမှာပါဝင်နေတဲ့ သူတစ်ဦးပဲ ဖြစ်ပါတယ်။ပြီးခဲ့တဲ့ ရက်ပိုင်းက ကယားပြည်နယ် ဒီးမော့ဆိုမြို့နယ်တွေမှာ စစ်ကောင်စီတပ်တွေနဲ့ မြို့ခံ စုပေါင်း PDF တပ်တွေ အကြား ပြင်းထန်တဲ့တိုက်ပွဲတွေကြောင့် ထောင်ချီတဲ့ ဒေသခံတွေဟာ ထွက်ပြေးတိမ်းရှောင်နေရတာ ဖြစ်ပါတယ်။

Photo Credit - Bozhena Antoniyar
Photo Credit - Bozhena Antoniyar
Photo Credit - Bozhena Antoniyar

ယင်း စစ်ရှောင်နေရတဲ့ နေရာသို့ Bozhena Antoniyar ဟာ ဇွန်လ (၃) ရက်ညက သွားရောက်ပြီး ထွက်ပြေးလာတဲ့ ဒေသခံပြည်သူတွေကို အားပေးစကားခဲ့တယ်ဆိုပြီး ဖော်ပြခဲ့ပါတယ်။ ဒါ့ အပြင် စစ်ရှောင်ပြည်သူများ လိုအပ်နေတဲ့ ဆန်၊ဆီ၊ဆား၊ ဆေးဝါး၊ မိုးကာအကြီး(တလပတ်)၊အိပ်သာခွက်၊ ကလေးများအတွက် မုန့်အနည်းငယ်၊သောက်ရေသန့်၊ အမျိုးသမီးလစဉ်သုံး၊ ရေချိုးခန်းသုံး အသုံးအဆောင်ပစ္စည်း၊ စောင် ၊ ခြင်ထောင်၊ မိုးတွင်းသုံး ခြုံမိုးကာ စတဲ့ လို့အပ်တဲ့ ပစ္စည်းတွေကို စေတနာရှင်များက ဝိုင်းဝန်းကူညီပံ့ပိုးပေးကြဖို့ကိုလည်း တိုက်တွန်းလာခဲ့ပါတယ်။

Photo Credit - Bozhena Antoniyar
Photo Credit - Bozhena Antoniyar

သတင်းအရင်းမြစ်: Source - Bozhena Antoniyar

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။