ဖေဖော်ဝါရီလကတည်းက စတင်ပေါ်ပေါက်ခဲ့တဲ့ ပြည်သူတွေရဲ့ဆန္ဒထုတ်ဖော်ပွဲတွေကတော့ ယခု မေလအထိတိုင်အောင် နေရာတိုင်းမှာ ဆက်လက်မြင်တွေ့နေရဆဲ ဖြစ်ပါတယ် ။ ပြည်သူတွေက သူတို့ရဲ့ရင်တွင်းဆန္ဒတွေကို ဖော်ပြဖို့အတွက် နည်းလမ်းမျိုးစုံသုံးကာ နေ့ရောညပါ ကြိုးစားနေကြတာပဲ ဖြစ်ပါတယ် ။ ဒါ့အပြင် ဆန်းသစ်တဲ့အိုင်ဒီယာတွေနဲ့ သပိတ်တွေ တစ်ခုပြီးတစ်ခု ပြုလုပ်နေကြတဲ့ ပြည်သူတွေရဲ့လူထုလှုပ်ရှားမှုပုံရိပ်တွေကလည်း လူမှုကွန်ယက်စာမျက်နှာထက်မှာ ပျံ့နှံ့နေတာပဲ ဖြစ်ပါတယ် ။

Photo Credit-Moe Wathann's FB Acc

လတ်တလောမှာဆိုရင်လည်း ဆန္ဒဖော်ထုတ်နေတဲ့ ပြည်သူတွေရဲ့ဗီဒီယိုဖိုင်တစ်ခုက အရမ်းကို လူကြည့်များနေတာပဲ ဖြစ်ပါတယ် ။ ဒီဗီဒီယိုထဲမှာတော့ ပြည်သူတွေက စည်းလုံးညီညွတ်စွာနဲ့ အတူတကွ ပူးပေါင်းဆောင်ရွက်ပြီး လူထုလှုပ်ရှားမှုပြုလုပ်နေကြတာ ဖြစ်ပါတယ် ။ စာသင်ကျောင်းတစ်ခုရဲ့အရှေ့မှာ ဆန္ဒဖော်ထုတ်နေကြတဲ့ အဲ့ဒီပြည်သူတွေက "ကျွန်ပညာရေးစနစ် အလိုမရှိ" ဆိုပြီး ကြွေးကြော်နေကြတာလည်း ဖြစ်ပါတယ် ။

Photo Credit-Moe Wathann's FB Acc
Photo Credit-Moe Wathann's FB Acc

ဒါ့အပြင် သံချပ်ဆိုပြီးတာနဲ့ သံပုံးတွေကို တစ်ပြိုင်နက်တည်း တီးနေကြတဲ့ သူတို့ရဲ့ပုံစံကလည်း တကယ့်ကို ကြက်သီးထစရာကောင်းနေတာ ဖြစ်ပါတယ် ။ ဒန်အိုး၊ဒန်ခွက်တွေနဲ့ သံပုံးတွေယူလာပြီး ညီညီညာညာညာတီးကာ ဆန္ဒထုတ်ဖော်နေကြတဲ့ ပြည်သူတွေထဲမှာတော့ အမျိုးသမီးတွေအများဆုံး ပါဝင်နေတာပဲ ဖြစ်ပါတယ် ။ စည်းလုံးညီညွတ်မှုကိုပြသခဲ့တဲ့ ပြည်သူတွေရဲ့ဗီဒီယိုဖိုင်ကို ပြန်လည်ဖော်ပြပေးလိုက်ရပါတယ်။

Source & Video Credit-Moe Wathann's FB Acc

Photo Credit-Moe Wathann's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။