ပြီးခဲ့တဲ့ မေလ (၂)ရက်နေ့ကိုတော့ ပြည်သူတွေက ကမ္ဘာလုံးဆိုင်ရာ မြန်မာ့နွေဦးတော်လှန်ရေးနေ့အဖြစ် သတ်မှတ်ပြီး မြန်မာနိုင်ငံမှာသာမက ပြည်ပနိုင်ငံတွေမှာပါ လူထုဆန္ဒထုတ်ဖော်ပွဲတွေပြုလုပ်ခဲ့ကြတာ ဖြစ်ပါတယ် ။ မြန်မာနိုင်ငံမှာရှိတဲ့ ပြည်သူတွေက သူတို့ရဲ့အသက်ကိုရင်းပြီး လူထုလှုပ်ရှားမှုပြုလုပ်ကြသလို ပြည်ပရောက် မြန်မာတွေကလည်း ရောက်ရာနေရာကနေ တာဝန်ကျေပွန်ခဲ့ကြတာ ဖြစ်ပါတယ် ။ ဒါပေမဲ့လည်း ပြည်သူတစ်ချို့ကတော့ မနေ့ကပဲ အသက်ပေးသွားခဲ့ရတာ ဖြစ်ပါတယ် ။

Photo Credit-Original Uploader
Photo Credit-Original Uploader

မနေ့က ကျဆုံးခဲ့တဲ့ သူရဲကောင်းတွေထဲက တစ်ဦးဖြစ်တဲ့ ကိုဖိုးလုံးကတော့ ရှမ်းပြည်နယ်(မြောက်ပိုင်း)၊ သီပေါမြို့မှာ နေထိုင်သူ ဖြစ်ပါတယ်။ ကိုဖိုးလုံးက သီပေါသပိတ်ကို ဖြိုခွင်းခံရတဲ့အချိန်မှာ ဦးခေါင်းကို ကျည်ထိမှန်ပြီး ကျဆုံးသွားခဲ့တာပဲ ဖြစ်ပါတယ် ။ သီပေါမြို့ လူထုလှုပ်ရှားမှုပွဲတွေမှာ အားသွန်ခွန်စိုက် ပါဝင်ခဲ့တဲ့ သူရဲကောင်းကိုဖိုးလုံးအတွက် ပြည်သူတွေကလည်း စိတ်မကောင်းဖြစ်ပြီး ဝမ်းနည်းကြေကွဲနေရတာ ဖြစ်ပါတယ် ။

Photo Credit-Original Uploader
Photo Credit-Pan Ei Wai's FB Acc

ကိုယ်ဝန်လွယ်ထားရတဲ့ ကိုဖိုးလုံးရဲ့ဇနီးဖြစ်သူကတော့ ခင်ပွန်းသည်ကို ဆုံးရှုံးလိုက်ရပြီဖြစ်လို့ ဝမ်းနည်းစွာနဲ့ ငိုကြွေးနေရှာတာလည်း ဖြစ်ပါတယ် ။ ဒါ့အပြင် ကိုဖိုးလုံးရဲ့ရုပ်အလောင်းကိုရှာနေလို့ အိမ်မှာတောင် မထားရဘဲ မြန်မြန်ပြန်သယ်သွားခဲ့ရတာကြောင့် မိသားစုဝင်တွေခမျာ စိတ်ထိခိုက်ခံစားနေရကြောင်း ပြည်သူတစ်ဦးက ရေးသားပြောပြထားပါသေးတယ်။ မေလ (၂) ရက်နေ့မှာ ကျဆုံးခဲ့တဲ့ သူရဲကောင်း ကိုဖိုးလုံးရဲ့ရုပ်အလောင်းကို အိမ်ကနေပြန်သယ်သွားခဲ့ရတဲ့ မြင်ကွင်းပုံရိပ်တွေကိုလည်း ပြန်လည်ဖော်ပြပေးလိုက်ပါတယ်။

Source & Photo Credit-Pan Ei Wai's FB Acc

Photo Credit-Pan Ei Wai's FB Acc
Photo Credit-Pan Ei Wai's FB Acc
Photo Credit-Pan Ei Wai's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။