ဒီကနေ့ မေလ ၂ ရက်နေ့ ကမ္ဘာလုံးဆိုင်ရာ မြန်မာ့နွေဦးတော်လှန်ရေးနေ့မှာတော့ မန္တလေးမြို့အတွင်းမှာ ပညာရေးကျောင်းပေါင်းစုံ သပိတ်စစ်ကြောင်း ချီတက်ဆန္ဒထုတ်ဖော်ခဲ့ပါတယ်။
ဒီသပိတ်စစ်ကြောင်းဟာ မနက်အစောပိုင်းထဲက ချီတက်ဆန္ဒထုတ်ဖော်ခဲ့ပြီး ပညာရေးဝန်ထမ်း ၊ မိသားစုတွေနဲ့ ပြည်သူတွေပါဝင်တယ်လို့ သိရပါတယ်။
ဒီအောင်မြေသာစံ ပညာရေးကျောင်းပေါင်းစုံ သပိတ်စစ်ကြောင်းဟာ မန္တလေးမြို့အတွင်းက လမ်းမတွေပေါ်မှာ လှည့်လည် ဆန္ဒထုတ်ဖော်ခဲ့ကြပါတယ်။
May 2, နွေဦးငါတို့မသေဘူး ရေကူးတတ်တယ် " ဆိုတဲ့ ဒီသပိတ်စစ်ကြောင်းဟာ လာရောက်ဖြိုခွင်းခံရတာမျိုး မရှိပဲ အောင်မြင်စွာ လူစုခွဲနိုင်ခဲ့တယ်လို့လည်း သိရပါတယ်။
ဒီကနေ့ မေလ ၂ ရက်နေ့ ကမ္ဘာလုံးဆိုင်ရာ မြန်မာ့နွေဦးတော်လှန်ရေးနေ့မှာ မနက်အစောပိုင်းထဲက မြန်မာနိုင်ငံမှာသာမက အခြားသောမိတ်ဖက်နိုင်ငံတွေမှာပါ ဆန္ဒထုတ်ဖော်နေကြတာကို တွေ့ရပါတယ်။
သို့ပေမယ့်ရွှေဘိုမြို့မှာတော့ အာရုံဦး သပိတ်စစ်ကြောင်းက အောင်မြင်စွာ ဆန္ဒထုတ်ဖော်နိုင်ခဲ့ပေမယ့် ပင်မသပိတ်စစ်ကြောင်းစတင်ဖို့ လူစုနေစဥ်အတွင်းမှာပဲ ဖြိုခွဲခံရတာကြောင့် ဖမ်းဆီးခံရသူတွေ ရှိတယ်လို့လည်း သိရပါတယ်။
Bong I.T