ကမ္ဘာတစ်ဝှမ်းလုံးရဲ့ အချိန်နဲ့တစ်ပြေးညီစိတ်ဝင်စားခြင်းကိုခံနေရတဲ့ မြန်မာနိုင်ငံရဲ့ လက်ရှိအခြေအနေတွေကတော့ ဒီနေ့ထိ အသက်ဝင်နေဆဲပါ။လူငယ်မျိုးဆက်သစ်တွေကလည်း နိုင်ငံတကာရဲ့ သတင်းမီဒီယာတွေ သတိထားမိလာအောင် အချိန်ရှိတိုင်း နည်းမျိုးစုံကို တီထွင်ကာ ဆန္ဒဖော်ထုတ်မှုတွေပြုလုပ်နေကြတာလည်းဖြစ်ပါတယ်။ဒီလို လူငယ်လေးတွေရဲ့ တီထွင်နိုင်စွမ်းတွေကိုလည်း နိုင်ငံအသီးသီက ချီးကျူးဂုဏ်ပြုရင်း အမြဲအားပေးနေကြတာလည်းဖြစ်ပါတယ်။

Photo Credit: Original Uploder 
Photo Credit: Original Uploder 

ခုဆိုရင် မြန်မာ့အရေးကို အခြားနိုင်ငံတွေဖြစ်ကြတဲ့ ဂျပန် ၊ တောင်ကိုရီးယား ၊ ထိုင်ဝမ်က လူငယ်များစွာကလည်း ပါဝင်ကာ ရရာနေရာတွေကနေ လှုပ်ရှားပေးနေကြသလို အားပေးစကားများလည်း အမြဲပြောကြားကာ စိတ်ခွန်အားတွေ ပေးလျက်ရှိတာကိုတွေ့မြင်ရပါတယ်။ဧပြီ (၁၈) ရက်နေ့ကဆိုရင်လည်း တောင်ကိုရီးယားကပြည်သူတွေဟာ “သွေးသစ္စာ”သီချင်းကို မြန်မာလိုပီပီသသသီဆိုရင်း ဆန္ဒဖော်ထုတ်ပေးခဲ့ကြတဲ့ ဗီဒီယိုလေးကလည်း  မြန်မာပြည်သူတွေရဲ့ ရင်ထဲကိုရောက်ကာ ပီတိဖြစ်စေခဲ့ကြတာလည်းဖြစ်ပါတယ်။

Photo Credit: Original Uploder 
Photo Credit: Original Uploder 

ဒီလို မြန်မာ့အရေးမှာ အားတတ်သရော ပါဝင်ပေးနေကြတဲ့ ကိုရီးယားလူမျိုးတွေကို မြန်မာပြည်သူပြည်သားအားလုံးက လေးစားပြီးကျေးဇူးတင်နေကြတာလည်း ဖြစ်ပါတယ်။ဒီနေ့မှာတော့ မြန်မာလူငယ်လေးများဟာ ကိုရီးယားလူမျိုးတွေကို ကျေးဇူးအထူးတင်မိကြောင်း ရင်ထဲကခံစားချက်လေးတွေကို စာရွက်မှာရေးသားကာ ဖော်ပြခဲ့ကြတာကိုတွေ့ရပါတယ်။

Photo Credit: Original Uploder 
Photo Credit: Original Uploder 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။